Jueces 18:24 - Chuj San Mateo Bible

²⁴ Ix tac'vi vin̈ d'a eb': —A ex tic ix eyic'cot in diosal ix in b'o'o, ix eyic'anpaxcot vin̈ in sacerdote, man̈xo jab'oc tas ix eyactejcan d'ayin, tze tec'b'an e b'a e c'anb'an d'ayin tas tzin ic'ani, xchi vin̈ d'a eb'.

Chuj San Sebastian Bible

²⁴ —Ax tic xeyij cot jun tzo'n̈ in diosal b'ob'il wu'uj, xeyi'n pax cot jun ya'mal 'och in ti 'a in diosal cha. Man̈x 'a jac tas xeyactj can 'ayin. ¿Palta te'tni cob' eyec' e c'anb'n 'ayin, yuj tas tzin 'i'ni? xchi Micaía 'a eb'.

Jueces 18:24 Referans Kwoze

Salmos 115:8

A eb' sb'oan juntzan̈ yechel chi' yed' eb' tz'ac'anoch sc'ool d'ay, lajan eb' yed'oc.

Apoc 17:2

A eb' nivac yajal d'a yolyib'an̈q'uinal ix laj em eb' d'a ajmulal yed' ix smasanil. Axo eb' anima d'a yolyib'an̈q'uinal ix laj juviel eb' yuj ix. Icha uc'uman̈ ix aj eb' yuj jun icha vino ix yac' ix d'a eb', aton yajmulal ix, xchi jun ángel chi' d'ayin.

A Tas Sc'ulejnac Eb' Schecab' Jesús Hechos 19:26

Palta ina tzeyila', tzeyab'anpaxi, tas van sc'ulan vin̈aj Pablo. Syalan vin̈ to a juntzan̈ dios b'ob'il yuj anima, man̈ diosoc. Tzijtum anima ix yac' sc'ool vin̈. Man̈ocn̈ej d'a chon̈ab' Éfeso tic, palta quenxon̈ej maj ac'joc sc'ool masanil eb' ay d'a yol yic Asia tic yuj vin̈.

Ez 23:5

Te chuc ix yutej sb'a ix Ahola chi', ix mulan ix d'a yol in c'ab' yed' eb' aj Asiria b'aj te ay sgana ix, aton eb' soldado

Jeremías 51:17

A eb' anima, yelxo val malaj jab'oc spensar eb'. Max q'uixvi jab'oc eb' yuj juntzan̈ yechel comon dios sb'o'o. A juntzan̈ yechel chi', malaj spixan, ton̈ej syac' sb'a eb' anima chi' musansatil yuuj.

Jeremías 50:38

Tupocab' masanil a a', yujto a Babilonia chi' schon̈ab'il juntzan̈ comon dios yajb'entac. A yuj juntzan̈ chi', ste satel spensar eb' anima chi'.

Jueces 17:13

Ix snaan vin̈aj Micaía chi' to ol scha' svach'c'olal Jehová vin̈, yujto a jun vin̈ levita ayoch sacerdoteoc vin̈.

Gn 31:30

Tato tza te naejb'at b'aj ay vin̈ a mam, yuj chi' icha chi' ix a c'ulej, palta ¿tas yuj ix elq'uejcot juntzan̈ in diosal? xchi vin̈aj Labán chi'.

Jueces 17:5

A spat vin̈aj Micaía chi', spatiltaxon comon dios. B'ob'ilxo jun chaleca yic sacerdote yed' juntzan̈xo yechel yuj vin̈. Axo jun vin̈ yuninal vin̈ yac'nacxooch sacerdoteal.

Jueces 18:23

Axo yic ix c'och eb' d'a spatic eb' ix avaj eb'. Axo eb' yin̈tilal Dan chi', ix meltzajcot q'uelan eb', ix sc'anb'an eb' d'a vin̈aj Micaía chi': —¿Tas tzach ic'ani yuj chi' ed'nac juntzan̈ anima tic? xchi eb'.

Jueces 18:25

Ix yalan eb' d'a vin̈: —Malaj co gana to sq'ue a jaj avaj d'ayon̈, yujto a d'a co cal tic ay eb' vin̈ utzin sc'ool, axo ta tz'aji tzach satel eb' vin̈ yed' eb' ajun tic ed'oc, xchi eb'.

Gn 31:34

Axo ix ix c'ub'an el juntzan̈ yechel chi' d'a yalan̈ stz'um noc' camello, ix emcan c'ojan ix d'a yib'an̈. Ix ec'chaj vin̈aj Labán say d'a masanil mantiado, palta maj ilchajlaj sdiosal vin̈ chi' yuuj.

2 Cr 25:15

Yuj jun chi' ix cot val yoval Jehová d'a vin̈, ix scheccot jun vin̈ schecab' yal d'a vin̈ rey chi' icha tic: —¿Tas yuj tzach och ejmelal d'a juntzan̈ comon dios maj yal scolanel schon̈ab' d'a yol a c'ab'? xchi vin̈ schecab' Dios chi'.