Jueces 16:18 - Chuj San Mateo Bible

¹⁸ Ix nachajel yuj ix to a ticnaic yel syal vin̈. Ix yalanb'at ix d'a eb' vin̈ yajalil eb' filisteo chi' icha tic: —A ticnaic, cotan̈ec d'a val junelxo tic, toxo ix yalelta vin̈ tas yuj te ay yip vin̈ chi', xchi ix. Yuj chi' ix c'och eb' vin̈ yil ix, yed'nac q'uen tumin eb' vin̈.

Chuj San Sebastian Bible

¹⁸ 'Ix nachj 'el yuj 'ix Dalila 'a jun 'ejm xo tic to yel tzyala. Xlajw cha, 'ix ya'n 'ix alxc 'a eb' syajlil eb' filisteo 'ixtic: —A ticnec cotn̈ec, tox 'ix yal Sansón 'ayn 'a smasnil sc'ojol 'aj wal tzcot yip, xchi 'ix. Yuj cha, 'ix c'och eb' 'a 'ix, yet' eb' q'uen tumn yaljnac.

Jueces 16:18 Referans Kwoze

1 Ti 6:10

A d'a pec' tuminal, a ta' scot yaln̈ej tas chucalil. Ay eb' snib'an q'uen tumin, yuj chi' ix laj yactejcan jun c'ayb'ub'al eb' yac'nac och d'a sc'ool. Man̈xo jantacoc cusc'olal ix yic'cot eb' d'a yib'an̈.

Mt 26:15

Ix yalan vin̈ d'a eb' vin̈ icha tic: —Tato svac'och Jesús d'a yol e c'ab', ¿jantac tzin e tupu'? xchi vin̈. Yuj chi', 30 plata tumin ix ac'ji d'a vin̈ yuj eb' vin̈.

Jueces 16:5

Yuj chi', ix b'at lolon eb' vin̈ yajalil eb' filisteo yed' ix Dalila chi', ix yalan eb' vin̈ d'a ix icha tic: —Tza montej val vin̈aj Sansón chi', tza c'anb'an d'a vin̈ b'ajtil scot jantac yip vin̈ chi', tas val scutej cac'an ganar vin̈ co tzec'ani, yic vach' maxtzac yal-laj scolan sb'a vin̈. Junjun on̈ ol cac' mil 100 siclo q'uen plata d'ayach a tojoloc, xchi eb' vin̈ d'a ix.

Ef 5:5

Cojtacxo to a eb' tz'emn̈ej d'a ajmulal yed' eb' sc'ulan yaln̈ej tas chucal yed' snivanil, eb' pec' tumin, malaj yalan yic eb' yoch b'aj ol yac' yajalil Cristo yed' Dios. Yujto a eb' pec' tumin chi', a d'a yichan̈ Dios, ichato sdiosal jun chi' eb'.

Pr 18:8

A tas syal eb' alum pecal, lajan icha juntzan̈ tas vach' sloji, sc'och val schi'al d'a sc'ol eb' tz'ab'an chi'.

Salmos 62:9

A eb' anima, juneln̈ej malaj jab'oc yelc'och eb', vach'chom meb'a' eb', ma b'eyum eb'. Q'uinaloc tz'echtaj yalil eb' d'a junoc echlab' smasanil, toton max checlajlaj jab'oc yalil eb' chi', yuj chi' man̈ caq'uec ochlaj co pensar d'a eb'.

A Ch'an̈ B'ab'el Libro Yic Yab'ixal Eb' Rey 21:20

Ix yalan vin̈aj Acab chi' d'a vin̈aj Elías chi' icha tic: —Ach ajc'ool, ix in ilchaj uuj, xchi vin̈. Ix tac'vi vin̈aj Elías chi': —Ach ilchaj toni, yujto ix a tec'b'ej a b'a a c'ulan tas te chuc d'a yichan̈ Jehová.

Nm 22:7

Ix lajvi chi', ix b'at eb' yichamtac vinaquil chon̈ab' Moab yed' eb' yichamtac vinaquil Madián b'aj ayec' vin̈aj Balaam chi'. Te nivan q'uen tumin ix yic'b'at eb' yic stupan scatab' vin̈ chi' eb'. Ix yalan schecnab'il eb' ix yalb'at vin̈aj Balac chi'.

Jueces 16:17

Yuj chi' ix yalelta vin̈, b'ajtil scot yip vin̈ chi', ix yalan vin̈: —Manto juneloc sjoxjiel xil in jolom yictax in alji, yujto ayic manto in alji chi', ix in sic'jicanel yuj Dios yic tzin och nazareoal, syalelc'ochi to yictaxon Dios vaji. Yuj chi' tato ay mach sjoxanel xil in jolom tic, tz'elcan vip chi', icha junoc comon anima tzin ajcani, xchi vin̈.

Jueces 16:19

Ix yac'an vay vin̈aj Sansón chi' ix d'a sat xub', ix yavtan jun vin̈ joxvajum ix. Axo jun vin̈ chi' ix joxanel uque' macan̈ xil sjolom vin̈ pach'uch'ab'il chi'. Icha chi' ix aj yel yip vin̈ yuj ix, majxo yal scolan sb'a vin̈.