Jueces 15:11 - Chuj San Mateo Bible

¹¹ Ayic ix yab'an jun chi' eb' vin̈ aj Judá chi', oxe' mil eb' vin̈ ix b'at ilan vin̈aj Sansón d'a q'uen n̈aq'ueen d'a Etam chi', ix yalan eb' vin̈ d'a vin̈: —¿Tom man̈ ojtacoc to ayon̈ och d'a yol sc'ab' eb' vin̈ filisteo tic? ¿Tas yuj tzac'och chucal d'a co cal yed' eb' vin̈? xchi eb' vin̈ d'a vin̈. Ix tac'vi vin̈ d'a eb' vin̈: —Icha in yutej eb' vin̈, icha pax ix vutej eb' vin̈, xchi vin̈.

Chuj San Sebastian Bible

¹¹ A yic 'ix yab'n eb' yin̈tl Judá jun cha, 'oxe mil eb' x'at 'ilnoc Sansón 'a q'uen n̈aq'uen 'ay 'a Etam. 'Ix yaln eb' 'a 'ixtic: —¿Tom man̈ ojcoc to 'ayn̈ 'och 'a yaln̈ schecnb'il eb' filisteo? ¿Tas yuj 'ixta tzon̈ otej? xchi eb'. —'Icha wal in yutj eb', 'ixta pax tzwutj eb', xchi Sansón.

Jueces 15:11 Referans Kwoze

Jueces 14:4

Te man̈ yojtacoc eb' smam snun vin̈ chi' tas spensar Jehová, to van snaan tas ol aj yel yich junoc oval yed' eb' filisteo chi', yujto ayoch eb' israel d'a yalan̈ smandar eb' d'a jun tiempoal chi'.

Jueces 13:1

Ix ochxi smul eb' israel d'a yichan̈ Jehová, yuj chi' 40 ab'il ix ac'jioch eb' d'a yol sc'ab' eb' filisteo yuuj.

Dt 28:13

Tato ol e c'anab'ajej masanil schecnab'il Jehová co Diosal, aton masanil juntzan̈ svalcan d'ayex ticnaic, sat ol ex aj d'a eb' ch'oc nacional chi', axo eb' spatictac ol ajcan eb'. Nivan ol aj eyelc'och d'a yib'an̈ eb'. Malaj b'aj ol ex ac'joc ganar yuj eb'.

Lv 26:25

Ol vac'b'at oval d'ayex eyaelaloc, yuj in pacan d'ayex yujto max e c'anab'ajej in trato. Toxon̈ej ol ex b'at lemnaj e col e b'a d'a e chon̈ab', palta ata' ol vac'b'at c'ac'al yab'il, icha chi' ol aj e can d'a yalan̈ yuj eb' vin̈ eyajc'ol chi'.

Dt 28:43

A eb' ch'oc chon̈ab'il ayec' cajan d'a e cal, nivanxo ol aj yelc'och eb' d'a eyichan̈, a exxo tic, man̈xalaj ol aj eyelc'ochi yujto ol ex lajvoquemoc.

Jueces 15:10

Ix sc'anb'an eb' vin̈ aj Judá chi' d'a eb' vin̈: —¿Tas yuj tzex javi eyac' oval qued'oc? xchi eb' vin̈. Ix tac'vi eb' vin̈ filisteo chi': —A vin̈aj Sansón tzul co yama', ol cac'anoch syaelal vin̈, yujto nivan chucal ix yac' vin̈ d'ayon̈, xchi eb' vin̈.

Jueces 15:12

Ix yalan eb' vin̈ d'a vin̈ icha tic: —Yuj chi' to tzul ach co tzec'b'at ticnaic yic b'at ach cac'an d'a eb' vin̈ chi', xchi eb' vin̈. Ix tac'vi vin̈ d'a eb' vin̈: —Aq'uec e ti' d'ayin an, tato yel man̈ ol in e milchamlaj, xchi vin̈.

1 Cr 4:3

A vin̈aj Hur sb'ab'el yune' ix Efrata yed' vin̈aj Caleb. A eb' vin̈ yin̈tilal vin̈ ix b'ab'laj cajnaj d'a chon̈ab' Belén. Ay oxvan̈ eb' vin̈ yuninal vin̈, aton vin̈aj Etam, vin̈aj Penuel yed' vin̈aj Ezer. A vin̈aj Etam smam vin̈aj Jezreel, vin̈aj Isma, vin̈aj Ibdas yed' ix Haze-lelponi. A vin̈aj Penuel chi' ix b'ab'laj cajnaj d'a chon̈ab' Gedor, axo vin̈aj Ezer chi' ix b'ab'laj cajnaj d'a chon̈ab' Husa.