Jueces 15:1 - Chuj San Mateo Bible

¹ Ix ec' jab'xo tiempo, ix b'atxi vin̈aj Sansón chi' yil ix yetb'eyum chi' yalani, yed'nac jun noc' yune' chiva vin̈. A d'a jun tiempoal chi' vanxo syamchajoch sjochchaj ixim trigo. Axo ix c'och vin̈, ix yalan vin̈ d'a vin̈ sn̈i' icha tic: —Tzin nib'ej tzin och vil ix vetb'eyum d'a yol scuarto, xchi vin̈. Majxo chajiochlaj vin̈ yuj vin̈ sn̈i' chi'.

Chuj San Sebastian Bible

¹ A yic 'ayxtax wal cha, yic wan yoch polj trigo, 'ix 'at win Sansón chi 'at yil 'ix yistzil, yet' win jun no yune chiwo. Ax yic xc'ochi, 'ix yaln 'ixtc 'a win sn̈i cha: —Tzin nib'j tzin 'och wil 'ix wistzil 'a yol scuarto, xchi. Palta man̈x 'ic chax 'och win yuj win sn̈i cha.

Jueces 15:1 Referans Kwoze

Gn 38:17

—Ol vac'cot junoc yune' a chiva, xchi vin̈ d'a ix. —Tzam yala', an̈ej tato ay junoc tas tzac'can d'ayin ticnaic. Ayic sjavi noc' in yune' chiva chi', svac'anxi meltzaj d'ayach, xchi ix.

Lc 15:29

Palta ix yalan vin̈ d'a vin̈ smam chi': Ojtac jantacxo tiempo tzin munlaji, malaj b'aj ix in pitej in b'a d'ayach. Manta b'aj tzac' junoc noc' yune' chiva yic svac'och in q'uin̈ yed' eb' vamigo.

Gn 29:21

Axo yic ix ec' uque' ab'il chi', ix yalan vin̈ d'a vin̈aj Labán chi' icha tic: —A ticnaic, ix lajvi co trato yic tzin caj ix. Ac' ix vetb'eyumoc yic svic'an in b'a yed' ix, xchi vin̈.

Gn 6:4

Ayic ix b'eycot tiempo, ix yic'lan sb'a eb' vin̈ yuninal Dios yed' eb' ix yisil eb' anima chi', axo yuninal eb' scuch Nefilim. A eb' chi' te tec'an eb', te b'inajnac eb' d'a pecatax chi'.

Dt 22:13

Tato ay junoc vinac tz'ic'an junoc ix ix yetb'eyumoc, axo tz'aji maxtzac xajanej ix vin̈,