Jueces 14:18 - Chuj San Mateo Bible

¹⁸ Axo d'a q'uic'b'alil d'a yuquil c'ual chi', ix b'at yalan eb' vin̈ d'a vin̈aj Sansón chi' icha tic: Malaj junocxo tas te chi' d'a yichan̈ noc' yalchab'. Malaj pax junocxo te ay yip d'a yichan̈ noc' choj, xchi eb' vin̈. Ix tac'vi vin̈ icha tic: Yujn̈ej to ix e montej eyab' d'a ix vetb'eyum tic, yuj chi' ix nachaj eyalan tas syalelc'ochi, xchi vin̈.

Chuj San Sebastian Bible

¹⁸ Ax 'a yic wan sq'uic'b' 'a yucl c'ul cha, 'ix 'at eb' filisteo chi 'at yal 'ixtc 'a Sansón: May junc xo tas yel xo wal chi' 'a yib'n̈ no yal chab'. May junc xo tas yel xo wal 'ay yip 'a yib'n̈ no león, xchi ewinac. 'Ix ta'w Sansón 'a eb' 'ixtic: Yujto xe montj eyab' 'a 'ix in q'uixnal tic, yuj cha, sta'n eya'n spac chi 'ayin, toto ma'ay, toxn ma'ix nachj xon 'el eyu'uj, xchi 'a eb'.

Jueces 14:18 Referans Kwoze

Jueces 14:17

Ix och val ijan ix yoc' d'a vin̈ d'a uque' c'ual chi', yuj chi' axo d'a yuquil c'ual chi', ix yalan vin̈ d'a ix tas syalelc'ochi. Ixn̈ej lajvi yab'an ix, ix b'at yalan ix d'a eb' yetchon̈ab' chi'.

Jueces 14:19

Ix lajvi chi' ix ochxi Yespíritu Jehová d'a vin̈, ix te och yip vin̈. Ix b'at vin̈ d'a chon̈ab' Ascalón, ix b'at smac'ancham 30 eb' vin̈ filisteo vin̈ ta'. A spichul eb' vin̈ ayochi, a ix yiq'uelta vin̈, ix yac'an vin̈ stojoloc tas ix yal chi'. Ix lajvi chi', van ste chichon sc'ol vin̈ ix meltzaj vin̈ d'a spat vin̈ smam.

A Ch'an̈ Schab'l Libro Samuel 1:23

Ach Saúl yed' ach Jonatán, te nib'ab'il ex. Junn̈ej eyaji ayic pitzan ex, junn̈ej pax ix aj e chami. Te jelan e b'ey d'a yichan̈ noc' ch'acb'a. Te ay eyip d'a yichan̈ noc' choj.

Pr 30:30

Aton noc' choj, yelxo ay smay noc', malaj b'aj tz'el lemnaj noc' d'a anima yed' d'a junocxo tasi.

Salmos 81:16

Palta a exxo tic, ix am ex in vatzitej. A am val ixim trigo te vach' ix vac' d'ayex. Ix am vac' noc' yalchab' tz'elta d'a sattac q'uen q'ueen eyuq'uej yic tzex tzalaji, xchi Jehová.

Ez 1:10

Icha val tic yilji sat junjun eb': A d'a yichan̈ eb' lajan yilji icha sat anima. Axo d'a svach' eb' lajan yilji icha sat noc' choj. Axo d'a sq'uexan̈ eb', lajan yilji icha sat noc' vacax. Axo d'a spatic eb', lajan yilji icha sat noc' nivac ch'acb'a. Ichaton chi' yilji sat eb'.