Jueces 14:16 - Chuj San Mateo Bible

¹⁶ Ix lajvi chi', van yoc' ix, ix b'at yalan ix d'a vin̈aj Sansón chi': —Tzin a chac a ach tic. Max in a xajanejlaj. Ix al jun a lolonel yic snael eb' vin̈ vetchon̈ab', palta man̈ val jab'oc tzal d'ayin tas syalelc'ochi, xchi ix d'a vin̈. Ix tac'vi vin̈ d'a ix icha tic: —Max valtax d'a in mam in nun, atob' val d'ayach ol vala', xchi vin̈.

Chuj San Sebastian Bible

¹⁶ Xlajw cha, 'ix c'och 'ix yistzil win Sansón chi 'a yojltac, caw ji'jmtac yoc' 'ix, 'ix yaln 'ix 'a win 'ixtic: —Ach tic, 'into tzin a yaja, matz in a nib'ej, yuj cha, 'into matz al 'ayin, tas tzyal 'el'ch jun tzo'n̈ paxti tzac' snal eb' wit chon̈b' tic, xchi 'ix. 'Ix ta'w Sansón 'ixtc 'a 'ix: —'Intax to may tas tzwal yab' in mam in nun, 'at am wal 'aych tic 'oj wala', xchi.

Jueces 14:16 Referans Kwoze

Jueces 16:15

Yuj chi' ix yalan ix d'a vin̈ icha tic: —A ach tic, te esalvum ach. ¿Tas yuj tzala' to tzin a xajanej? Yoxelalxo in ixtan tic. Man̈ jab'oc tzal d'ayin b'ajtil scot jantac ip tic, xchi ix.

Gn 2:24

Yuj chi' a vin̈ vinac, ol yactejcan smam snun vin̈ yic junxon̈ej tz'ajcan vin̈ yed' ix yetb'eyum, junxon̈ej nivanil tz'ajcan eb' schavan̈il.

Jueces 14:17

Ix och val ijan ix yoc' d'a vin̈ d'a uque' c'ual chi', yuj chi' axo d'a yuquil c'ual chi', ix yalan vin̈ d'a ix tas syalelc'ochi. Ixn̈ej lajvi yab'an ix, ix b'at yalan ix d'a eb' yetchon̈ab' chi'.

Jueces 16:16

Junjun c'u ayn̈ejoch ijan ix sc'anb'an d'a vin̈ b'ajtil scot yip vin̈ chi', yuj chi' ix tzactzajq'ue vin̈ yed' ix.