Jueces 11:7 - Chuj San Mateo Bible

⁷ Ix tac'vi vin̈aj Jefté chi' icha tic: —A ex tic ix eyac' chucal d'ayin, ix eyac' pural in e pechanel d'a spat vin̈ in mam, yuj chi' ¿tas yuj tzex javi in e sayec' ticnaic ayic ayex och d'a syaelal? xchi vin̈.

Chuj San Sebastian Bible

⁷ 'Ix ta'w cot Jefté 'a eb' 'ixtic: —Ax tic, chacb'iln 'el eyu'uj. 'Ix eyac' pural in e pechn 'el 'a yatut in mam. ¿Tas yuj at yic tzeyiln to wan e lajw 'eli, tzex jaw 'ayin? xchi 'a eb'.

Jueces 11:7 Referans Kwoze

Gn 26:27

Ix yalan vin̈aj Isaac chi' d'a eb' vin̈: —A ex tic, malaj tzin och eyuuj, ix in e pechel d'a sat e luum chi', ¿tasto yuj tzul in eyila'? xchi vin̈ d'a eb' vin̈.

Apoc 3:9

Yuj chi' a eb' tz'ac'an servil vin̈ Satanás, eb' stz'ac yaloch sb'a israelal, ol vac'b'at eb' d'ayex, ol em cuman eb' d'a sat lum d'a eyichan̈. Icha chi' ol vutoc eb' yic ol nachajel yuj eb' to xajan ex vuuj.

Is 60:14

Masanil yin̈tilal eb' ix ex ixtan chi', ol javoc eb' yaq'uem sb'a d'ayex. Masanil eb' ix ex chacaneli, ol ul em cuman eb' d'ayex, ol yalan eb' d'ayex icha tic: A ex aj chon̈ab' Sion ex tic, yicn̈ej Jehová eyaji, aton sDiosal Israel Axon̈ej Ochi, xcham eb'.

Pr 17:17

A eb' vach' yac'antaxon qued'oc, ayn̈ejoch eb' qued'oc. Ayic ay co yaelal, icha val co c'ab' coc syutej sb'a eb' d'ayon̈.

Gn 37:27

Vach' ama to sco chon̈b'at vin̈ d'a eb' vin̈ ismaelita van sja tic. Mocab' co milcham vin̈ yujto cuc'tac co b'a yed' vin̈, xchi vin̈. Ix schaan sc'ol eb' vin̈ chi' tas ix yal vin̈aj Judá chi'.

Jueces 11:6

Ix yalanb'at eb' icha tic: —Cotan̈ d'a tic, co gana to a ach tzach och cajaliloc yic tzac'an oval yed' eb' amonita, xchi eb'.