Jueces 10:17 - Chuj San Mateo Bible

¹⁷ Ix smolb'an sb'a eb' amonita d'a Galaad, axo pax eb' israel jun, ix smolb'ejpax sb'a eb' d'a Mizpa.

Chuj San Sebastian Bible

¹⁷ Ax eb' amonita, 'ix syam sb'a eb', axta xc'och b'uln eb' 'a stz'ey Galaad. An̈jtona eb' israel, 'ix syam sb'a eb', axta xc'och b'uln eb' 'a Mizpa.

Jueces 10:17 Referans Kwoze

Jueces 11:29

Ix och Yespíritu Jehová d'a vin̈aj Jefté chi', ix ec' vin̈ d'a yol yic Galaad yed' d'a yol yic Manasés, masanto ix c'och vin̈ d'a Mizpa d'a yol yic Galaad chi', yic smolb'an eb' soldado vin̈ yic sb'at yac'an oval eb' yed' eb' amonita chi'.

Jueces 11:11

Ichato chi' ix b'at vin̈aj Jefté chi' yed' eb', ix yac'anoch vin̈ eb' yajaliloc. A d'a Mizpa ix yalxi vin̈aj Jefté d'a yichan̈ Jehová tas ix yal d'a eb' checab' chi'.

Gn 31:49

Mizpa ix sb'iejpaxi yujto ix yal vin̈aj Labán chi' icha tic: —A Jehová tzon̈ ilan co chavan̈il yic man̈xo ol yal quil-lan co b'a junjun on̈.

Jueces 10:18

A eb' yajal d'a scal masanil eb' israel cajan d'a Galaad chi' ix alani: A junoc mach tzon̈ cuchb'an d'a oval d'a eb' amonita, a' ol ochcan cajaliloc d'a Galaad tic, xchi eb'.

Jueces 11:4

Ix ec' jun tiempoal, ix c'och eb' amonita yac' oval yed' eb' israel chi'.

Jueces 11:34

Axo yic ix jax vin̈aj Jefté d'a spat d'a Mizpa, a jun pitan̈ ix yisil vin̈ ix elta ul scha'a, van schan̈alvi ix, van stzin̈an pandereta ix ayic ix elta ix chi'. An̈ej ix, malaj junoc yuninal vin̈.

A Ch'an̈ B'ab'el Libro Samuel 7:5

Ix yalan vin̈aj Samuel chi' to smolb'ej sb'a masanil eb' chon̈ab' israel d'a Mizpa, yic stevi vin̈ d'a Jehová yuj eb'.

Josué 13:26

Sb'at lum d'a Hesbón, masanto sc'och lum d'a Ramat-mizpa yed' Betonim, sb'atpax lum d'a Mahanaim masanto sc'och lum d'a smojonal yic Debir.

Jueces 11:6

Ix yalanb'at eb' icha tic: —Cotan̈ d'a tic, co gana to a ach tzach och cajaliloc yic tzac'an oval yed' eb' amonita, xchi eb'.