Josué 21:1 - Chuj San Mateo Bible

^1-2 A eb' yajal yaj d'a scal eb' yin̈tilal Leví, ix b'at eb' d'a Silo d'a yol yic Canaán, yic sb'at yalan eb' d'a vin̈aj sacerdote Eleazar, d'a vin̈aj Josué yed' d'a eb' yajal yaj d'a junjun yin̈tilal eb' israel chi'. Ix yalan eb' icha tic: A Jehová aljinaccan d'a vin̈aj Moisés to tz'ac'ji co chon̈ab' b'aj tzon̈ aji yed' b'aj syal sva noc' co molb'etzal noc', xchi eb'.

Chuj San Sebastian Bible

^1-2 A eb' yajl yaj 'a eb' yin̈tl Leví, x'at eb' 'a chon̈b' Silo, 'a yol yic Canaán, yic tzpaxtin eb' yet' win ya'mal 'och sti eb' 'anma 'a Dios, atn Eleazar, yet' Josué yet' pax eb' yajl yaj 'a junjn 'in̈tal eb' israel cha. Ata xyal eb' 'a eb' 'ixtic: —A Jehová 'a'jnac yalcn Moisés, chajtlto tz'ajx qui chon̈b' 'aj wach' tzon̈ can cajn on̈, yet' pax lum swalab' qui cajb'en noc' on̈, xchi eb'.

Josué 21:1 Referans Kwoze

Josué 14:1

Ay nan̈al slajun̈il eb' yin̈tilalcan Israel mantzac scha sluum. Ix scha slum eb' chi' d'a lum Canaán, ix pojchajec' luum yuj vin̈aj sacerdote Eleazar yed' vin̈aj Josué yuninal vin̈aj Nun yed' eb' yajal yaj d'a junjun yin̈tilal eb' israel. Ix pojjiec' lum d'a eb' d'a suerteal, ato syal b'aj ix sch'ox Dios d'a junjun macan̈ eb' icha val ajnac yalan Jehová d'a vin̈aj Moisés.

Josué 17:4

Ix c'och eb' ix d'a yichan̈ vin̈aj sacerdote Eleazar yed' d'a yichan̈ vin̈aj Josué yed' eb' yajalil chon̈ab'. Ix yalan eb' ix icha tic d'a eb': A Jehová ix alancan d'a vin̈aj Moisés to tz'ac'jican co luum, icha ix aj yac'ji slum masanil eb' ay cuj co b'a yed'oc, xchi eb' ix. Yuj chi' ix ac'ji slum eb' ix yuj vin̈aj Josué icha ix aj yac'ji yic eb' ayto yuj sb'a eb' ix yed'oc, icha ajnac yalan Jehová.

Ex 6:25

Axo vin̈aj Eleazar yuninal vin̈aj Aarón, ix yic' sb'a vin̈ yed' ix yisil vin̈aj Futiel. Ix alji jun yune' ix, aton vin̈aj Finees. Aton eb' tic yajal yaj d'a junjun macan̈ eb' yin̈tilal vin̈aj Leví.

Ex 6:14

Aton sb'i eb' yajal d'a junjun macan̈il eb' yin̈tilal Israel d'a stzolal: A vin̈aj Rubén sb'ab'el yuninal vin̈aj Israel. Axo eb' yuninal vin̈, aton eb' tic: Vin̈aj Hanoc, vin̈aj Falú, vin̈aj Ezrón yed' vin̈aj Carmi. Aton eb' tic yajal yaj d'a scal junjun macan̈ yin̈tilal vin̈aj Rubén chi'.

Gn 49:7

Cotocab'can catab' d'a eyib'an̈ yuj yoval e jolom chi', ina man̈ jab'oc tz'oc' e c'ool. Yuj chi' ol ex in saclemejcanb'at d'a scal eb' eyetchon̈ab' Israel.

Nm 35:1

Ix lolonxi Jehová d'a vin̈aj Moisés chi' d'a yac'lical Moab, d'a sti' a' Jordán d'a yichan̈ Jericó, ix yalan icha tic:

Nm 35:8

A d'a lum smacb'en eb' yetisraelal eb' levita chi', ata' tz'elta juntzan̈ chon̈ab' tz'ac'ji d'a eb'. Yuj chi' junjun in̈tilal syac' jayeoc juntzan̈ chon̈ab' chi'. A juntzan̈ eyin̈tilal nivac sluum, tzijtum chon̈ab' syac' eb' d'a eb' levita chi', axo juntzan̈ eyin̈tilal quenn̈ej sluum, quenn̈ej chon̈ab' syac' eb' d'a eb', xchi d'a vin̈.