Josué 17:15 - Chuj San Mateo Bible

¹⁵ Ix yalan vin̈aj Josué chi' d'a eb' icha tic: —Yacb'an to tzijtum e b'isul, maxtzac yab'laj b'aj tzex aj d'a lum tzalquixtac ix ac'ji d'ayex, ixiquec d'a caltac yax lum yic eb' ferezeo yed' yic eb' refaíta. A lum chi' tze ch'aquemi, xchi vin̈.

Chuj San Sebastian Bible

¹⁵ —Ya sb'a to caw niwn e b'isl ax tic, ma'ix 'e'ch lum jolmctac witz yic Efraín 'ayex, 'ixquec 'a lum calcte 'a lum yic eb' ferezeo yet' 'a lum yic eb' yin̈tl Refa. A lum chi tze ch'acte'ej, xchi Josué 'a eb'.

Josué 17:15 Referans Kwoze

Gn 14:5

Yuj chi' d'a junxo ab'il ix b'at vin̈ rey chi' yed' oxvan̈xo eb' vin̈ rey ayoch yed'oc d'a yol yic Astarot Karnaim. Ata' ix ac'ji ganar eb' refaíta yuj eb' vin̈. Ix ac'jipax ganar eb' zuzita yuj eb' vin̈ d'a yol yic Ham. Ix ac'jipax ganar eb' vin̈ emita yuj eb' vin̈ d'a yol yic Save-quiriataim.

Gn 13:7

A eb' vin̈ stan̈vumal noc' smolb'etz noc' vin̈aj Abram chi', syac' oval eb' yed' eb' vin̈ stan̈vumal noc' yic vin̈aj Lot chi'. A d'a jun tiempoal chi', aytoec' cajan eb' cananeo yed' eb' ferezeo ta'.

Lc 12:48

Palta q'uinaloc ay jun checab' man̈ ojtannacoc tas sgana spatrón, sc'ulej juntzan̈ tas smoj tz'ac'jicot yaelal d'a yib'an̈ yuuj, quenn̈ej yaelal chi' ol cot d'a yib'an̈. A eb' nivan tas ix ac'ji d'ay, nivan pax tas ol c'anb'aj d'a eb'. Yed' eb' nivan tas ix ac'jioch d'a yol sc'ab', nivan pax tas ol yac'xi entregar eb'.

Esdras 9:1

Ayic ix lajvi juntzan̈ chi', ix javi jayvan̈ eb' yajal yaj d'a scal eb' quetchon̈ab' d'ayin, ix yalan eb' icha tic: Tzijtum eb' quetisraelal yed' eb' sacerdote yed' pax eb' levita max yiq'uel-laj sb'a d'a scal eb' ch'oc chon̈ab'il cajan d'a co chon̈ab' tic, palta a schuc b'eyb'al eb' cananeo, eb' heteo, eb' ferezeo, eb' jebuseo, eb' amonita, eb' moabita, eb' egipcio yed' eb' amorreo, a chi' sb'eyb'alej eb'.

A Ch'an̈ Schab'l Libro Samuel 5:22

Ix jaxpax eb' filisteo chi' d'a span̈anil Refaim chi'.

A Ch'an̈ Schab'l Libro Samuel 5:18

A eb' filisteo chi' ix c'och eb' d'a span̈anil Refaim, ix sb'oanq'ue scampamento eb' ta'.

Ex 33:2

A in ol in chec b'ab'laj jun vángel d'a eyichan̈. A' ol ex cuchb'anb'atoc. A juntzan̈ chon̈ab'il anima, aton eb' cananeo, eb' amorreo, eb' hitita, eb' ferezeo, eb' heveo yed' eb' jebuseo, ol viq'uel eb' d'a sat luum chi'.

Gn 15:20

eb' hitita, eb' ferezeo, eb' refaíta,

Josué 17:14

Ix yalan eb' yin̈tilal José d'a vin̈aj Josué icha tic: —¿Tas yuj junn̈ej macan̈ co lum ix ac'a'? A on̈ tic tzijtum co b'isul, yujto ix yic'q'ue vaan co b'isul Jehová, xchi eb'.

Josué 17:16

Ix yalan eb' icha tic: —Tocval ol yab' lum tzalquixtac tic d'ayon̈. A eb' cananeo cajan d'a ac'lic chi' ay scarruaje eb', icha pax chi' eb' cajan d'a Bet-seán yed' eb' cajan d'a juntzan̈ aldea d'a ac'lic Jezreel, xchi eb'.

A Ch'an̈ Schab'l Libro Samuel 18:6

Ix lajvi chi' ix b'at eb' smasanil d'a oval yed' eb' ayoch yed' vin̈aj Absalón chi'. Ix schalaj sb'a eb' d'a scaltac te te' d'a yol yic Efraín.

Jueces 17:1

A d'a tzalquixtac d'a yol yic eb' yin̈tilal Efraín, ata' ec'nac cajan jun vin̈ scuchan Micaía.