Josué 17:11 - Chuj San Mateo Bible

¹¹ Ix yic'anpax juntzan̈xo chon̈ab' tic eb' yin̈tilal Manasés chi' d'a slum eb' yin̈tilal Isacar yed' d'a yol yic Aser, junjun yed' yaldeail ay d'a slac'anil: Aton Bet-seán, Ibleam, Dor, Endor, Taanac yed' Meguido, a jun yoxil chon̈ab' tic, scuchpax Nafot Dor.

Chuj San Sebastian Bible

¹¹ 'Ix yij pax eb' yin̈tl Manasés chi jun tzo'n̈ xo chon̈ab', atn eb' lum xcan 'a yol yic Isacar yet' 'a yic Aser, junjn eb' chon̈b' chi yet' yaldeail 'ay 'a stz'ey: Atn Bet-seán, Ibleam, Dor, Endor, Taanac, Meguido, yet' pax 'oxe xo chon̈b' yamn yaji.

Josué 17:11 Referans Kwoze

1 Cr 7:29

A eb' vin̈ yin̈tilal Manasés, ix cajnaj eb' vin̈ d'a chon̈ab' Bet-seán, Taanac, Meguido, Dor yed' yaldeail juntzan̈ chon̈ab' chi'. Aton d'a juntzan̈ chon̈ab' chi' ix cajnaj eb' yin̈tilal José, yuninalcan vin̈aj Israel.

A Ch'an̈ Schab'il Libro Yic Yab'ixal Eb' Rey 9:27

Ayic ix yilan vin̈aj Ocozías sreyal Judá tas ix uji chi', ix el lemnaj vin̈, ix b'atcan vin̈ d'a sb'eal Bet-hagán, palta ix b'at vin̈aj Jehú chi' d'a spatic vin̈, ix yalan vin̈: —Milecpaxcham jun vin̈ tic, xchi vin̈. Ix yamchaj vin̈aj Ocozías chi' yuj eb' d'a svitzal Gur d'a slac'anil Ibleam. Ata' ix lajvi vin̈ d'a yol scarruaje chi' yuj eb', palta ixto yal yel vin̈, masanto ix c'och vin̈ d'a Meguido. Ata' ix cham vin̈.

Jueces 5:19

Ix javi eb' vin̈ sreyal eb' cananeo d'a Taanac, d'a slac'anil sti' a' Meguido, ix javi eb' yic syac'an oval eb' yalani, palta malaj q'uen plata yed' b'eyumal ix yic' eb'.

Jueces 1:27

A eb' yin̈tilal Manasés, maj yal-laj spechanel juntzan̈ anima tic eb': Eb' aj Bet-seán, eb' aj Taanac, eb' aj Dor, eb' aj Ibleam yed' eb' aj Meguido yed' pax yaldeail juntzan̈ chon̈ab' chi'. Yuj chi' ix cann̈ej cajan eb' cananeo chi' ta'.

Salmos 83:10

eb' chamnac d'a Endor, icha chi' tzutej eb'. A eb' chi' ochnaccan snivanil eb' yabonoaloc an̈ an̈c'ultac.

A Ch'an̈ B'ab'el Libro Yic Yab'ixal Eb' Rey 9:15

A vin̈aj rey Salomón chi', ix yac' val pural vin̈ yoch eb' yin̈tilal eb' cananeo d'a munlajel, aton eb' maj yal satjiel yuj eb' israel ayic sjavinac eb' d'a Canaán chi'. A eb' chi' aton eb' amorreo, eb' hitita, eb' ferezeo, eb' heveo yed' eb' jebuseo. A juntzan̈ anima chi', checab' yaj eb', man̈ yicoclaj sb'a eb'. Yuj smunlajel eb' ix sb'oq'ue spalacio vin̈ rey chi' yed' stemplo Jehová. Ix sb'oanpaxq'ue smuroal Jerusalén eb'. Ix svach' b'oan juntzan̈xo chon̈ab' eb', aton Hazor, Meguido yed' Gezer yic syal scolan sb'a eb' d'a oval. (A d'a yalan̈taxo a vin̈ sreyal Egipto yac'nac oval vin̈ d'a chon̈ab' Gezer chi', yac'annac ganar vin̈. Masanil eb' cananeo cajan ta' smilnaccham vin̈, sn̈usannacpaxtz'a chon̈ab' chi' vin̈. A jun chon̈ab' chi' ix yac' vin̈ d'a ix yisil ayic ix yic'lan sb'a ix yed' vin̈aj Salomón chi'. Axo vin̈aj Salomón chi' ix b'oanxiq'ue yuj smunlajel eb' cananeo chi'.) Ix sb'oanpaxq'ue chon̈ab' Bet-horón eb' d'a yalan̈ yed' Baalat yed' Tadmor ay d'a tz'inan lum d'a yol yic Judá yed' juntzan̈xo chon̈ab' b'aj smolchajcan tas tz'ab'laji yed' juntzan̈ chon̈ab' b'aj ay noc' chej stoc'an carruaje yic oval. Ix sb'oanpaxq'ue masanil juntzan̈xo tas eb' ix schec vin̈aj Salomón sb'o eb' d'a Jerusalén, d'a Líbano yed' d'a smasanil yol smacb'en Israel chi'. An̈ejtona' a eb' ix b'ud'an jun ch'olan d'a stojolal b'aj sq'ueul c'u d'a Jerusalén chi'. Ix sb'o jun tic eb' ayic toxo ix el ix yisil vin̈ sreyal Egipto, ix yetb'eyum vin̈aj Salomón d'a yol schon̈ab'can vin̈aj David, ix b'at cajnaj ix d'a spat ix sb'oq'ue vin̈aj Salomón chi'. Maj yac'laj pural eb' yetisraelal vin̈aj Salomón chi' smunlaji. A tas ix sc'ulej eb', 550 eb' ix ac'jioch yil juntzan̈ munlajel chi'. Ix och eb' yajalil yed' vin̈aj Salomón chi', ix ochpax eb' sat yajalil d'a eb' soldado, yajalil d'a carruaje yic oval yed' d'a eb' soldado sq'ue d'a yib'an̈ chej.

A Ch'an̈ B'ab'el Libro Samuel 31:10

Ix yic'anb'at syamc'ab' vin̈aj Saúl chi' eb' d'a spatil sdiosal scuch Astarot, ix stzec'ancanq'ue jachan snivanil vin̈ chi' eb' yed' yic eb' yuninal vin̈ d'a smuroal chon̈ab' Bet-sán.

A Ch'an̈ B'ab'el Libro Samuel 28:7

Ayic ix yilan vin̈ to chuc yaji, ix yalan vin̈ d'a eb' schecab' icha tic: —Sayec junoc ix ix syal sc'uman spixan chamnac, yic vach' a d'a ix ol in c'anb'ej in b'a, xchi vin̈. Ix tac'vi eb' vin̈ ay yopisio yed' vin̈: —A d'a Endor, ay jun ix syal sc'uman spixan eb' chamnac chi', xchi eb' vin̈ d'a vin̈.

Josué 11:2

Ix schecanpaxb'at schecab' vin̈ d'a masanil eb' vin̈ rey ay d'a tzalquixtac d'a norte yed' pax d'a eb' vin̈ ay d'a sch'olquiltaquil a' Jordán, d'a stojolal sur d'a a' n̈ajab' Cineret, d'a ac'lic yed' d'a slac'anil yic Dor d'a stojolal b'aj tz'em c'u.

Zacarías 12:11

A d'a jun c'ual chi', ol och val jun nivan cusc'olal d'a eb' aj Jerusalén, icha tz'aj scus eb' anima d'a ac'lic Meguido yuj jun comon dios scuch Hadad-rimón.

2 Cr 35:22

Palta axo vin̈aj Josías chi' maj meltzajlaj vin̈, to ix sq'uexel sb'a vin̈ yic syac'an oval vin̈. Maj schalaj yab' vin̈ tas ix yal vin̈aj Necao chi', vach'chom a Dios ix alani. Yuj chi' ix yac' oval vin̈ yed' vin̈aj Necao chi' d'a jun pan̈an yic Meguido.

1 Cr 6:70

Yed' d'a smacb'en yin̈tilal Manasés ay d'a stojolal b'aj tz'em c'u, ix schapax chon̈ab' Aner yed' Bileam eb' yed' pax b'aj syal sva noc' smolb'etzal noc' eb'.

A Ch'an̈ B'ab'el Libro Samuel 31:12

masanil eb' soldado te tec'an, pilan ac'val ix b'ey eb', ix c'och eb' b'aj aycan snivanil eb' chamnac chi', ix yic'ancot eb' d'a Jabes. Axo ta' ix sn̈ustz'a eb'.

Josué 16:9

Aytopax juntzan̈xo chon̈ab' yed' juntzan̈xo aldea ix yic'can eb' yic Efraín chi' d'a yol smacb'en eb' yin̈tilal Manasés.

Josué 17:16

Ix yalan eb' icha tic: —Tocval ol yab' lum tzalquixtac tic d'ayon̈. A eb' cananeo cajan d'a ac'lic chi' ay scarruaje eb', icha pax chi' eb' cajan d'a Bet-seán yed' eb' cajan d'a juntzan̈ aldea d'a ac'lic Jezreel, xchi eb'.

A Ch'an̈ Schab'l Libro Samuel 21:12

ix schecan vin̈ b'at ic'joccot sb'aquil vin̈aj Saúl yed' yic vin̈ yuninal, aton vin̈aj Jonatán, d'a chon̈ab' Jabes d'a yol yic Galaad. Yujto a eb' aj Jabes chi' xid' ic'jinaccot d'a slac'anil mercado yic Bet-sán, b'aj locancanq'ue yuj eb' filisteo, ayic smiljicham eb' d'a oval d'a Gilboa.

Jeremías 49:2

Palta a in Jehová in svala', ol c'och sc'ual, ol ab'chaj yel av yic oval d'a chon̈ab' Rabá, snivan chon̈ab' eb' amonita. Junn̈ej b'ulan̈ ol ajcan smac'jiem lan̈najoc, ol tz'ab'at masanil yaldeail. A in Jehová in svala' to icha chi' ol aj yic'anxiec' slum eb' aj Israel d'a eb' toc'jinac eq'ui.