Josué 15:19 - Chuj San Mateo Bible

¹⁹ Ix yalan ix: —Ina a lum taquin̈ lum ix ac' d'ayin d'a Neguev, elocab' d'a a c'ol to tzac' lum yax sat d'ayin, lum ay yal sat, xchi ix. Yuj chi' ix yac' junxo lum vin̈ d'a ix. Ay sjaj a a' d'a sat luum d'a sjolomtac yed' junxo a' d'a syoptac luum.

Chuj San Sebastian Bible

¹⁹ 'Ix ta'w 'ix 'ixtic: —Tzin tew 'ayach, 'in tox 'ix ac' lum cusltac lum 'a Neguev 'ayin, ax ticnec, 'el cab' wal 'a a c'ojol, to tzac' pax junc in lum to 'ay yalil sat, 'ay cab' a tzpac' 'a 'a, xchi 'ix. Yuj cha, xya'n win junx lum 'a 'ix, lum 'aj 'ay a a 'a sjolmtacq'ue'i, yet' 'a yoct 'emt lu'um.

Josué 15:19 Referans Kwoze

2 Co 9:5

Yuj chi' ix in na to yovalil tzin c'an pavor d'a eb' vin̈ cuc'tac tic, yic ol b'ab'laj b'at eb' vin̈ d'ayex. Ol b'at colvaj eb' vin̈ eyed'oc eyic'anchaan̈ eyofrenda icha ix eyutej eyalancani. Tato icha chi', lista ol eyutoc eyofrenda chi', ol eyac'an yed' smasanil e c'ool, yic man̈ ol on̈ b'at ex cac' pural eyac'ani.

A Ch'an̈ B'ab'el Libro Samuel 25:27

Axo ticnaic jun, tzin tevi d'ayach to a jab' silab' svic'cot tic d'ayach, tza pucb'at d'a eb' vin̈ a checab' ajun tic ed'oc.

Dt 33:7

Ix yalanpax vin̈ yuj eb' yin̈tilal Judá icha tic: Mamin Jehová, ab' tas syal eb' yin̈tilal Judá. Ic' meltzaj eb' d'a schon̈ab', colvajan̈ yed' a poder yic syal stec'b'an sb'a eb' d'a yichan̈ eb' yajc'ool, xchi vin̈.

Gn 33:11

Tzin tevi d'ayach to tza cha juntzan̈ silab' ix vic'cot d'ayach, yujto a Dios ix el d'a sc'ol yac'an in b'eyumal tic, malaj jab'oc tas syac' palta d'ayin, xchi vin̈aj Jacob chi'. Ix ochn̈ej tean vin̈ d'a vin̈ yuc'tac chi', yuj chi' ix scha noc' silab' chi' vin̈.

Gn 12:9

Ix lajvi chi' c'ojanc'olal ix cotxi vin̈ masanto ix javi vin̈ d'a yol yic Neguev.

Josué 15:18

Axo yic ix lajvi yic'lan sb'a eb' chi', ix yalan vin̈aj Otoniel chi' d'a ix Acsa chi' to sc'an slum ix d'a vin̈ smam chi'. Yuj chi' ayic ix emta ix d'a yib'an̈ noc' b'uru, ix sc'anb'an vin̈ smam ix chi' d'ay icha tic: —¿Tas tza nib'ej? xchi vin̈ d'a ix.

Josué 15:20

Aton lum smacb'en eb' yin̈tilal Judá tic, ix pojchajcanb'at lum d'a scal eb' d'a macquiltaquil, ato syal jay macan̈ yaj eb'.