Jonás 4:9 - Chuj San Mateo Bible

⁹ Ix yalanpax Jehová d'a vin̈ icha tic: —¿Tom vach' tza c'ulej scot oval yujn̈ej to ix tacjiel te te' ix q'uib'q'ue en̈uloc chi'? xchi Jehová. —Ay valan vico', vach'chom tzin cham yuj voval tic, xchi vin̈.

Chuj San Sebastian Bible

⁹ 'Ix yaln Dios 'a 'ixtic: —¿Tom wach' cob' a nani to tzcot owal, yujto xtacj 'el jun 'ib'n̈ te te 'aych en̈loc tic? xchi Dios. —¡Yel pax tzwala, toxn̈ej tzin cham yuj wowl tic! xchi Jonás cha.

Jonás 4:9 Referans Kwoze

Job 18:4

¿Tas yuj tza chalchitej a b'a yuj chichonc'olal? ¿Am a naani yujto icha chi' tzutej a b'a ol can tz'inan lum luum tic, ma ol q'uexvoc yed'tal q'uen tenam?

Job 5:2

A junoc anima chuc spensar, schichon sc'ool, snib'anoch tastac. A schichonc'olal chi' ol ic'anel sq'uinal.

Jueces 16:16

Junjun c'u ayn̈ejoch ijan ix sc'anb'an d'a vin̈ b'ajtil scot yip vin̈ chi', yuj chi' ix tzactzajq'ue vin̈ yed' ix.

Apoc 9:6

A d'a jun tiempoal chi', ol laj sayec' eb' anima tas tz'aj schami, palta man̈ ol chaxlaj yuj eb', vach'chom ol snib'ej cham sb'a eb', palta man̈ ol chamlaj eb'.

2 Co 7:10

Tato tzon̈ cus icha val sgana Dios, yuj jun co cusc'olal chi' sco na co b'a yic tzon̈ colchaji. Tato icha chi', max on̈ te cuslaj yuuj. Palta ay junxo macan̈ cusc'olal. A jun chi', yic yolyib'an̈q'uinal tic yaji. A eb' scus icha chi', ton̈ej sb'atcan eb' d'a chamel d'a juneln̈ej yuuj.

Mt 26:38

Yuj chi' ix yalan d'a eb': —Tzin te cusi, ijan val tzin cham yuj cuselal. Canan̈ec d'a tic. Pitzanocab' ex ved'oc, xchi Jesús d'a eb'.

Job 36:18

Yuj chi' ya'ilej a b'a yic vach' man̈ elan̈chameloc tzach satel yuj yoval sc'ol Dios. Man̈ ol yal a colchaj d'a yoval sc'ol chi' yuj jantacoc tumin.

Jonás 4:1

Palta axo vin̈aj Jonás chi', te chuc ix yab' vin̈ yujto ix sq'uex spensar Jehová, ix te cot yoval vin̈.

Jonás 4:8

Axo yic ix q'ue c'u, ix yac'ancot jun ic' Jehová te ov sc'ac'al d'a stojolal b'aj sjavi c'u, te ov ix em yoc c'u d'a sjolom vin̈aj Jonás chi'. Ix och ijan yel yip vin̈ yuj c'ac' chi'. Yuj chi' ix snib'ej cham sb'a vin̈. Ix yalan vin̈: —Más am vach' tzin chami, d'a yichan̈ pax to pitzan in, xchi vin̈.

Jonás 4:10

Ix yalanxi Jehová d'a vin̈ icha tic: —¿Toc a ach ix avej jun te te' tic? ¿Toc a ach pax ix ac' q'uib' te'? Junn̈ej ac'val ix q'uib' te', axo d'a junxo ac'val ix tacjixiel te'. Palta a ach tic tzach cus yuj te'.

A Ch'an̈ B'ab'el Libro Yic Yab'ixal Eb' Rey 21:4

Ix lajvi chi', ix pax vin̈aj Acab chi' d'a spalacio. Ix te och pitz'an d'a sc'ool vin̈, ix somchajchaan̈ vin̈ yuj tas ix yal vin̈aj Nabot chi'. Yuj chi' ayic ix c'och vin̈ d'a spalacio chi', ix ec' jichan vin̈, ix meltzajcanoch q'uelan vin̈ d'a yich sch'at, majxo scha valaj sb'a vin̈.