Job 4:1 - Chuj San Mateo Bible

¹ Ix yalan vin̈aj Elifaz aj Temán d'a vin̈aj Job chi' icha tic:

Chuj San Sebastian Bible

¹ Yuj cha, xta'w win Elifaz 'aj Temán 'ixtc 'a Job:

Job 4:1 Referans Kwoze

Job 42:9

Yuj chi' ix cot vin̈aj Elifaz chi', vin̈aj Bildad yed' vin̈aj Zofar, ix sc'ulan eb' vin̈ icha val ix aj yalan Jehová. Ix chaji slesal vin̈aj Job chi' yuj Jehová chi'.

Job 22:1

Ix yalanxi vin̈aj Elifaz aj Temán icha tic:

Job 15:1

Ix yalanxi vin̈aj Elifaz aj Temán icha tic:

Job 8:1

Ix yalan vin̈aj Bildad aj Súa icha tic:

Job 6:1

Ix tac'vi vin̈aj Job chi' icha tic:

Job 2:11

Ay oxvan̈ eb' vin̈ yamigo vin̈aj Job chi': Aton vin̈aj Elifaz aj Temán, vin̈aj Bildad aj Súa yed' vin̈aj Zofar aj Naamat. Ayic ix yab'an specal masanil juntzan̈ yaelal ix javi d'a yib'an̈ vin̈aj Job chi' eb' vin̈, ix yac'anoch eb' vin̈ d'a sc'ol scot yac' snivanil sc'ol vin̈, yic tzul mol cus pax eb' vin̈ yuj syaelal vin̈ chi'.

Job 3:26

Maxtzac yal vic'an jab'oc vip, man̈xalaj svach'il vaji. Man̈xa jab'oc in junc'olal, axon̈ej yaelal tzin ic'ani, xchi vin̈aj Job chi'.

Job 4:2

Ach Job, tecan chuc tzab'i tato ay mach stec'b'ej sb'a slolon ed'oc, palta maxtzac techaj vuuj tato ton̈ej svab'i.

Jeremías 49:7

A tas ix yal Jehová Yajal d'a Smasanil d'a yib'an̈ Edom: ¿Tom man̈xa jelanil d'a chon̈ab' Temán? ¿Tom maxtzac yal yac'vi razón eb' jelan? ¿Tom ix satel masanil sjelanil eb' chi'?