Job 2:3 - Chuj San Mateo Bible

³ Yuj chi' ix yalan Jehová chi' d'a vin̈: —¿Tzam il tas yaj vin̈ in checab' aj Job? Malaj val junocxo mach d'a yolyib'an̈q'uinal chi' lajan yed' vin̈. Te tojol spensar vin̈, te vach' sb'eyb'al vin̈. Ay val velc'och d'a yol sat vin̈, sya'ilej val sb'a vin̈, max yac'och sb'a vin̈ d'a scal chucal. Uuj val ix in satel masanil tastac ay d'a vin̈, palta tocval yuj chi' ix juviel spensar vin̈, xchi.

Chuj San Sebastian Bible

³ Yuj cha, xyaln Jehová 'ixtc 'a winac: ¿May am 'aj 'ix 'elcn win in checb' Job? May junc xo mach lajn snab'en yet' win 'a yolyib'n̈q'uinal, caw wal yiclum win 'ayin, tojl sb'eyb'al, 'ay xiwc'ojlal, may 'aj tzb'o win tas maysch'olnil. O'oj 'ix in satn 'el smasnil tas 'a winac, palta man̈ yujoc cha, sjun win snab'en, xchi Dios.

Job 2:3 Referans Kwoze

Job 1:8

Ix yalanxi Jehová d'a vin̈ icha tic: —¿Tzam il tas yaj vin̈ in checab' aj Job? Malaj junocxo mach d'a yolyib'an̈q'uinal icha vin̈ chi', te tojol spensar vin̈, te vach' sb'eyb'al vin̈, ay velc'och d'a yol sat vin̈, sya'ilej val sb'a vin̈, max yac'och sb'a vin̈ d'a scal chucal, xchi Jehová chi'.

A Sb'ab'el Carta San Pedro 1:7

Icha tz'aj yac'ji proval q'uen oro d'a scal te' c'ac', icha chi' tz'aj cac'ji proval tato yel scac'och Dios d'a co c'ool. Yujto ayic scac'anoch Dios chi' d'a co c'ool, más te nivan yelc'och d'a yichan̈ q'uen oro chi', yujto a q'ueen, slajvin̈ej el q'ueen. Tato scac' techaj proval chi', ol on̈ aljoc vach'il ayic ol jax Jesucristo. Nivan ol on̈ ajoc. Nivan ton ol aj quelc'och yed' ta'.

Santiago 1:12

Tato scac' techajoc ayic tzon̈ ac'ji proval, te vach' quico', yujto ayic toxo ix lajvi cac'ji proval chi', ol co cha spac, aton co q'uinal d'a juneln̈ej. Aton jun yalnaccan Dios to ol yac' d'a masanil eb' xajanani.

Pr 16:17

Tato tojol co b'eyb'al, squiq'uel co b'a d'a scal chucal, tato sco ya'ilej co b'eyb'al, syalelc'ochi to van co ya'ilan co b'a.

Job 9:17

Axo tz'aji, tzam in yac' lajvoc yed' junoc ic'n̈ab' te ov, svach' nivtaj in yaelal tic d'a ichn̈ej ta'.

A Scarta San Pablo D'a Eb' Aj Filipos 3:12

Max val-laj tato toxo ix vac' ganar juntzan̈ ix val tic smasanil, yujto ayto palta in tec'c'aj d'a masanil yic Cristo. Palta an̈eja' svac' pural in b'a ticnaic yic vach' ol in tec'c'ajoc, yuj chi' ix in yavtejoch Cristo Jesús yicoc.

Jn 9:3

Ix yalan Jesús chi' d'a eb': —A jun vin̈ tic, man̈ yujoc smul smam snun vin̈, man̈ yujoc pax smul vin̈ icha chi' yajcani. Yujto snib'ej Dios sch'ox tas satub'tac yuj vin̈, yuj chi' icha tic yaj vin̈.

A Sb'ab'el Carta San Pedro 5:10

Ayic ol lajvoc cab'an syail janic'oc tiempoal, axo Dios ol on̈ vach' tz'actzitanoc, ol svach' aq'uej co tec'anil yed' quip. Man̈ jantacoc svach'c'olal, yuj chi' ix on̈ yavtejoch yicoc, yic vach' ay calan quic d'a svach'il ay d'a juneln̈ej, yujto junxon̈ej caj yed' Jesucristo.

Pr 15:8

A silab' eb' chuc, max schalaj sc'ol Jehová, palta scha val yab'i ayic slesalvi eb' tojol spensar d'ay.

Job 1:1

A d'a yol smacb'en Uz ec'nac jun vin̈ vinac scuchan Job. Te tojol spensar vin̈, te vach' sb'eyb'al vin̈, te ay yelc'och Dios d'a sat vin̈. Sya'ilej val sb'a vin̈, max yac'och sb'a vin̈ d'a scal chucal.

Pr 14:2

Tato vach' co b'eyb'al, te ay yelc'och Jehová d'ayon̈. Axo pax eb' chuc sb'eyb'al jun, malaj yelc'och Jehová d'a eb'.

Pr 13:6

A tojol pensaril, a scolan eb' sb'eyb'alan tojolal chi'. A chucal, a satanel eb' sb'eyb'alan chucal chi'.

Pr 11:8

A Jehová scolan eb' tojol spensar d'a scal yaelal, axo eb' chuc tz'ochcan d'a syaelal sq'uexuloc eb' tojol spensar chi'.

Salmos 41:12

A inxo pax jun, malaj in mul d'a ichan̈, yuj chi' ix in a quetz yed' a c'ab'. Ayinn̈ejocab' ec' d'a ichan̈ d'a masanil tiempo.

Salmos 37:37

Scham val quilan eb' vach' spensar max c'ulanlaj chucal chi', te vach'n̈ej ol elc'och eb' yujto a junc'olal sayec' eb'.

Job 13:15

Vach'chom yuj chi' tzin smilcham Dios, palta ol vac'n̈ejoch yipoc in c'ool. Ol in coln̈ej in b'a d'a yichan̈.

Job 9:20

Q'uinaloc svala' te vach' in, axo in lolonel sch'oxaneli to ay in paltail. Q'uinaloc svala' to malaj jab'oc in paltail chi', axom Dios tz'alani to man̈ yeloc.

Job 1:11

Palta q'uinaloc a ticnaic tziq'uec' masanil tas ay d'a vin̈ chi', ol ilani tato man̈ ol yal chuc vin̈ d'ayach, xchi vin̈.

A Ch'an̈ Schab'l Libro Samuel 20:20

Ix yalan vin̈aj Joab chi' icha tic: —Man̈ ichocta' van in naani yic tzin sataneli.

Gn 6:9

Aton yab'ixal vin̈aj Noé tic: A vin̈aj Noé chi', te vach' ix yutej sb'a vin̈ d'a yichan̈ Dios, an̈ej vin̈ vach' spensar d'a scal eb' anima d'a jun tiempoal chi'. Ix sb'eyb'alej vin̈ icha sgana Dios.

Salmos 26:1

Mamin Jehová, ch'oxcaneli to malaj in mul, yujto an̈ej tas vach' ayoch d'a in pensar in c'ulani. Mamin, ayach och yipoc in c'ool, malaj in chab'c'olal d'ayach.

Job 2:2

Ix sc'anb'an Jehová chi' d'a vin̈: —¿B'ajtil ach coti? xchi. Ix yalan vin̈ icha tic: —Ix in cot d'a yolyib'an̈q'uinal, yujto tzec' voymitej lum smasanil, xchi vin̈.

Job 2:4

Ix tac'vi vin̈ Satanás chi' icha tic: —Tato malaj tz'ic'an snivanil junoc mach, ¿toc ay tas sna'a? B'ecan sc'ol slajviel masanil tastac ay d'ay yic scolan sq'uinal.

Job 1:6

Ay jun c'u ix smolb'ej sb'a eb' ángel tz'ac'an servil Jehová d'a yichan̈ d'a satchaan̈. A d'a scal eb' chi', ix c'ochpax jun ángel ajc'ool, aton vin̈ Satanás.