Jn 8:26 - Chuj San Mateo Bible

²⁶ Tzijtumto tas ol val eyuuj yed' ex in ch'olb'itani. A jun checjinac in coti, te yel syala'. A tas yalnaccan d'ayin, an̈ej chi' sval d'ayex a ex ayex d'a yolyib'an̈q'uinal tic, xchi d'a eb' vin̈.

Chuj San Sebastian Bible

²⁶ Til to wal tastc 'oj wal eyu'uj, yic 'oj ex in b'eyc'ojloc. A jun checjnacn coti, caw yel tzyala. A tas yaljnac 'ayin, an̈j tzwal 'a eb' 'anma 'a yolyib'n̈q'uinl tic, xchi 'a ewinac.

Jn 8:26 Referans Kwoze

Jn 15:15

A ticnaic sval d'ayex, man̈ ton̈ejoc in checab' eyaji, yujto a junoc checab', man̈ yojtacoc tas sna spatrón. Palta a ticnaic vamigo ex, yujto a jantacn̈ej tas yalnaccan in Mam d'ayin, ix valxican d'ayex.

Jn 8:40

A juntzan̈ tas yel yalnaccan Dios d'ayin, an̈ej sval d'ayex. Palta ina e gana tzin e milchamoc. Man̈ ichocta' ix yutej sb'a vin̈aj Abraham chi'.

Jn 17:8

A a lolonel ac'nac d'ayin, ix laj val d'a eb'. Ix schaan yab' eb', yuj chi' yojtac eb' to yel d'ayach cotnac in. Syac'och eb' d'a sc'ool to a ach a checnac in coti.

Jn 7:28

Yacb'an van sc'ayb'an eb' anima chi' Jesús d'a yamaq'uil templo chi', te chaan̈ ix yalelta d'a scal eb': —Ina eyojtac in. Eyojtacpax b'aj cotnac in. Palta man̈ muniloc in ja d'a yol vico'. A Dios te yel checjinac in coti. Palta a Dios chi' man̈ eyojtacoc.

2 Co 1:18

Syil Dios, aton tz'eln̈ejc'och tas syala', a on̈ tic malaj juneloc sco tac'vej co ti'oc, slajvi chi' scalanxi to man̈xo.

Jn 16:12

Tzijtumto tas in gana sval d'ayex, palta maxto techaj eyab'an ticnaic.

Jn 7:16

Yuj chi' ix yalan Jesús chi' d'a eb': —A juntzan̈ c'ayb'ub'al sval d'ayex tic, man̈ vicoc. Yic Dios checjinac in coti.

Jn 3:11

Val yel sval d'ayach, a tas cojtac, a scala'. A tas squila', a scala'. Palta max e cha eyab' tas sval d'ayex.

Jn 8:25

—¿Mach ach jun? xchi eb' vin̈ d'ay. Palta ina valnacxo d'ayex d'a yalan̈taxo, mach in.

Jn 8:27

Palta max nachajel yuj eb' vin̈ tato a co Mam Dios van yalani.

Jn 18:20

Ix yalan Jesús chi' d'a vin̈: —A juntzan̈ in c'ayb'ub'al chi', ix valel d'a scal eb' anima smasanil. Masanil tiempo ix valel d'a yoltac spatil culto yed' d'a yamaq'uil stemplo Dios yed' b'aj smolb'ej sb'a eb' anima. Malaj junoc tas c'ub'eltac ix vala'.