Jn 4:19 - Chuj San Mateo Bible

¹⁹ Ayic ix lajvi yab'an juntzan̈ chi' ix, ix yalanxi ix: —Mamin, a svutej vab'ani to schecab' ach Dios.

Chuj San Sebastian Bible

¹⁹ Xlajw yab'n 'ix jun tzo'n̈ cha, xyaln pax 'ix 'a 'ixtic: —Ach winac, schecb' ach Dios tzwab'i.

Jn 4:19 Referans Kwoze

Jn 6:14

A eb' anima chi', ix yil eb' jun tas satub'tac ix sch'ox Jesús chi'. Yuj chi' ix yal eb': —Aton jun tic, schecab' Dios tan̈vab'iltaxon sja d'a yolyib'an̈q'uinal tic, xchi eb'.

Lc 7:39

Axo ix yilan vin̈ fariseo chi', ix snaan vin̈: Tato yel schecab' Dios jun vin̈ tic, tzam nachajel yuj vin̈ to a jun ix ix van syaman yoc vin̈ tic, ajmul ix ix, xchi vin̈ d'a spensar.

Jn 9:17

Yuj chi' ix sc'anb'an eb' vin̈ d'a jun vin̈ ix b'o yilan chi': —A achxo tic, ¿tas tzutej a naan yuj vin̈ ix b'oan a sat tic? xchi eb' d'a vin̈. —A in tic tzin na'a to schecab' Dios yaj vin̈, xchi vin̈.

Lc 7:16

Ayic ix yilan jun chi' eb', ix xivq'ue eb', ix och ijan eb' yalan vach' lolonel d'a Dios, ix yalan eb': —Ay jun schecab' Dios ix checlaj d'a co cal tic, te nivan yelc'ochi, xchi eb'. Ix yalanpax eb': —Ix ja Dios on̈ scol a on̈ schon̈ab' on̈ tic, xchi eb'.

Jn 7:40

Ix lajvi yab'an eb' anima tas ix yal Jesús chi', ay eb' ix laj alani: —Val yel, aton jun tic schecab' Dios tan̈vab'iltaxon sja cuuj, xchi eb'.

Mt 21:11

Axo eb' n̈ilanec' yed' Jesús ix alani: —Aton Jesús, aj Nazaret yic Galilea. Aton jun tic schecab' Dios, xchi eb'.

Lc 24:19

—¿Tas juntzan̈ ix uji chi' jun? xchi Jesús chi' d'a eb' vin̈. —Ay jun aj Nazaret scuch Jesús. Schecab' ton val Dios yaji. A d'a yichan̈ Dios yed' d'a yichan̈ eb' chon̈ab', te nivan yelc'och tas ix sc'ulej yed' tas ix yala'.

A Ch'an̈ Schab'il Libro Yic Yab'ixal Eb' Rey 6:12

Ix tac'vi jun vin̈ yajal soldado icha tic: —Malaj mach mamin, palta a vin̈aj Eliseo schecab' Dios ayec' d'a Israel chi', a vin̈ tz'alan d'a vin̈ rey masanil tas tzala', vach'chom d'a elc'altac tzala', xchi vin̈.

A Ch'an̈ Schab'il Libro Yic Yab'ixal Eb' Rey 5:26

Palta ix yalan vin̈aj Eliseo chi' d'a vin̈ icha tic: —Ayic ix emta jun vin̈ vinac d'a yol scarruaje ix cot vin̈ ul ach scha'a, ¿tocval maj yil in pixan jun chi' tza na'a? A ticnaic, man̈ smojoc co chaan tumin yed' pichul. Man̈ smojoc pax co manan te' avb'en te', icha te' olivo yed' te' uva, noc' calnel, ma noc' vacax, ma eb' vin̈ checab' yed' eb' ix checab'.

Jn 4:29

—Ay jun vin̈ masanil tas ojtannac yictax in cotoch uninal. Ix yal vin̈ d'ayin smasanil. Coyec ved'oc, b'at quilecnab'i. ¿Tope alaj vin̈ Cristo? xchi ix d'a eb'.

Dt 18:15

A co Diosal chi' ol sic'anel junoc quetchon̈ab' tic schecab'oc, icha ix yutej in sic'anel a in tic. Yovalil ol e c'anab'ajej tas ol yala'.

Jn 4:18

Palta ovan̈xo eb' vin̈ b'aj xid'nac ach. Axo vin̈ b'aj ay ach ec' ticnaic, man̈ etb'eyumoc ton vin̈. Yuj chi' yelton tzala': Malaj vin̈ vetb'eyum xa chi, xchi Jesús d'a ix.