Jn 21:8 - Chuj San Mateo Bible

⁸ Ay am chan̈eoc ch'an̈il ayb'at eb' vin̈ d'a sat a'. Axo juntzan̈xo eb' vin̈ yetc'ayb'umal eb' vin̈, tzac'anto ix c'och eb' vin̈ yed' jun yune' barco, n̈erb'il ch'an̈ chimpa b'ud'an yuj noc' chay chi' yuj eb' vin̈.

Chuj San Sebastian Bible

⁸ Cojn am junc chan̈e ch'an̈l yajb't eb' 'a yib'n̈ a'. Ax jun tzo'n̈ xo eb' yitb'eyum, tza'nto xc'och eb' yet' jun yune barco cha. Toc'b'il schim eb' 'aj b'ut'n 'ejm no chay cha.

Jn 21:8 Referans Kwoze

Dt 3:11

(Axon̈ej vin̈aj rey Og yin̈tilal eb' anima chan̈ steel aycan d'a jun lugar chi'. A scaxail vin̈ yic smuquil, nab'a q'ueen. Chan̈e' val metro steel, quenxon̈ej man̈ chab'oc metro sat, chequelto d'a chon̈ab' Rabá d'a yol yic eb' amonita.)

Jn 21:7

Axo jun vin̈ sc'ayb'um Jesús te xajan yuuj, a vin̈ ix alan d'a vin̈aj Pedro chi': —Inai, a Cajal Jesús ayec' chi', xchi vin̈. Ix lajvin̈ej yab'an chi' vin̈aj Simón Pedro chi', ix yac'anoch spichul vin̈, yujto an̈ej yol spichul vin̈ ayochi. Ix syumanelta sb'a vin̈ d'a yol te' barco chi', ix elc'och vin̈ d'a sti' a'.

Jn 21:9

Axo ix elta eb' vin̈, ix yilan eb' vin̈, ayoch jun c'ac' toxo ix el ichan. Van sb'olan jun noc' chay Jesús chi'. Ay pax ec' juntzan̈ ixim pan d'a stz'ey.

Mr 8:7

Ay jayvan̈ yunetac chay yed'nac eb'. Ix yac'anpax yuj diosal d'a Dios yuj noc'. Ix lajvi chi', ix yalanpax d'a eb' to spucb'at noc' chay chi' eb' d'a eb' anima chi'.