Jn 21:20 - Chuj San Mateo Bible

²⁰ Axo ix meltzajb'at q'uelan vin̈aj Pedro chi' d'a spatic, ix yilan vin̈, a vin̈ sc'ayb'um Jesús xajan yuuj, tzac'anxooch vin̈ yuj eb'. Aton jun vin̈ chi' ix em c'ojan d'a stz'ey Jesús ayic ix va eb' junel, ayic ix sc'anb'an vin̈ d'a Jesús chi': Mamin, ¿mach ol ach ac'anoch d'a yol sc'ab' chamel chi'? xchi vin̈ d'ay.

Chuj San Sebastian Bible

²⁰ Ax 'ix sutmj 'at q'ueln Pedro chi 'a spatic. 'Ix yilni to a jun scuywum Jesús chi xajn yu'uj, a tza'n 'och yuj eb'. Atn jun chi wocn 'ejm 'a smo'och yic swa eb' 'a jun 'el, yic sc'anb'n 'ixtc 'a 'a: Mamin, ¿mach 'oj a'n 'och 'a yol sc'ab' chamel? xchi 'a 'a.

Jn 21:20 Referans Kwoze

Jn 21:7

Axo jun vin̈ sc'ayb'um Jesús te xajan yuuj, a vin̈ ix alan d'a vin̈aj Pedro chi': —Inai, a Cajal Jesús ayec' chi', xchi vin̈. Ix lajvin̈ej yab'an chi' vin̈aj Simón Pedro chi', ix yac'anoch spichul vin̈, yujto an̈ej yol spichul vin̈ ayochi. Ix syumanelta sb'a vin̈ d'a yol te' barco chi', ix elc'och vin̈ d'a sti' a'.

Jn 20:2

Yuj chi' elan̈chamel ix b'at lemnaj ix, axo ix c'och ix d'a vin̈aj Simón Pedro yed' d'a junxo vin̈ sc'ayb'um Jesús, aton vin̈ te xajan yuj Jesús chi'. Ix yalan ix d'a eb' vin̈: —Toxo ix ic'jib'at snivanil Cajal Jesús b'aj mucan, ¿b'aj am ix yac' eb'? xchi ix d'a eb' vin̈.

Jn 21:24

Aton jun vin̈ c'ayb'um tic syac' testigoal sb'a d'a juntzan̈ tic, ix stz'ib'ejcan vin̈. Cojtac to te yel juntzan̈ ix stz'ib'ejcan vin̈ tic.

Mt 26:46

Q'uean̈ec vaan, coyec, yujto lac'anxo ayec' vin̈ ol in ac'anoch d'a yol sc'ab' eb' ajc'ool, xchi d'a eb' vin̈.

Jn 21:21

Ayic ix yilan jun vin̈ chi' vin̈aj Pedro, ix sc'anb'an vin̈ d'a Jesús: —Mamin, xal jun vin̈ sja tic, ¿tas ol ic'an scham vin̈? xchi vin̈ d'ay.