Jn 21:19 - Chuj San Mateo Bible

¹⁹ Icha chi' yutejnac yalan yuj tas ol aj scham vin̈aj Pedro chi', yic ol sch'oxel vin̈ to nivan yelc'och Dios. Ix lajvi chi', ix yalanxi d'a vin̈: —Ochan̈ tzac'an vuuj, xchi d'a vin̈.

Chuj San Sebastian Bible

¹⁹ 'Ixta xyutj yalni, chajtl 'oj 'aj Pedro chi schami, ax sch'oxn 'eli, to caw niwn yel'ch Dios. Xlajw cha, xyaln pax Jesús 'a 'ixtic: —'Ochn̈ wal tza'n wu'uj, xchi 'a Pedro cha.

Jn 21:19 Referans Kwoze

A Schab'il Carta San Pedro 1:14

Yujto a Cajal Jesucristo ix ac'an nachajel vuuj to quenxon̈ej tiempo ay in eq'ui.

Jn 21:22

Yuj chi' ix yalan Jesús chi' d'a vin̈: —Taxon̈ej in gana pitzanto vin̈ ayic ol in jaxoc, malaj ochi. A ach tic, ochan̈ tzac'an vuuj, xchi d'a vin̈.

Mt 10:38

A mach man̈ b'ecanoc sc'ool yab'an syail vuuj, man̈ b'ecanoc sc'ool yoch chamel d'a yib'an̈, tz'och d'a spenec te' culus, man̈ smojoc yoch tzac'an vuuj.

A Scarta San Pablo D'a Eb' Aj Filipos 1:20

Svac'och yipoc in c'ool to man̈ ol in q'uixvoclaj. In gana tec'an ol vutoc in b'a valanel ichataxon svutej in b'a. Tato icha chi', vach'chom pitzan in ma ol in chamoc, vuuj ol checlajelta to te nivan yelc'och Cristo.

Jn 12:33

Icha chi' ix yutej yalani chajtil ol aj schami.

A Ch'an̈ B'ab'el Libro Samuel 12:20

Ix tac'vi vin̈: —Vach'chom chuc tas ix e c'ulej chi', palta man̈ ex xivoc. Ayic ol b'eyn̈ejb'at tic, man̈xo eyiq'uel e b'a d'a Jehová, axon̈ej tzeyac' servil d'a smasanil e c'ool.

Jn 18:32

Icha chi' ix aj yelc'och tas ix yal Jesús chajtil ol aj schami.

Jn 12:26

Tato ay eb' snib'ej tz'och in checab'oc, ochocab' tzac'an eb' vuuj. A eb' in checab' chi', ol aj eb' ved' b'aj ayin eq'ui. Tato ay eb' tz'och in checab'oc, axo in Mam ol ch'oxanoc to nivan yelc'och eb' d'a sat, xchi Jesús.

Mt 19:28

—Val yel sval d'ayex, ato yic ol ac'b'ocxi masanil tastac, ato ta' ol e cha spac eyico'. A in Ac'b'il in cot yuj Dios voch animail tic, ol in em c'ojan d'a in c'ojnub', b'aj ol checlajel in poder. A exxo ix ex och in c'ayb'umoc tic, ol ex em c'ojan e lajchavan̈il d'a junjun e c'ojnub'. Ol e ch'olb'itan yaj eb' quetisraelal slajchavil macan̈.

Nm 14:24

Palta an̈ej vin̈ in checab' aj Caleb ol c'och d'a sat luum chi', yujto c'anab'ajum vin̈ d'ayin, vach'n̈ej spensar vin̈. A vin̈ ol macb'enan lum yed' eb' yuninal, aton lum ix xid' yil vin̈ chi'.

Mt 8:22

Palta ix yalanpax d'a vin̈: —Con̈ ved'oc. A eb' chamnacto el d'a yichan̈ Dios, a eb' chi' syal smucan eb' yetchamnaquil chi', xchi Jesús d'a vin̈.

Jn 21:18

Val yel sval d'ayach, a d'a yic quelem achto, munil tza pich a b'a. Tzach b'eyec' b'aj ay a gana. Palta ayic ol ach ichamaxoc, ton̈ej ol aq'uel lian a c'ab', ch'oc mach ol tzec'an a nan̈al, ol ach ic'jocb'at b'aj max yal a c'ool, xchi Jesús d'a vin̈aj Pedro chi'.