Jn 18:26 - Chuj San Mateo Bible

²⁶ Ix lajvi chi', ay jun schecab' vin̈ sat sacerdote, sc'ab' yoc sb'a yed' vin̈ ix el schiquin yuj vin̈aj Pedro chi' ix alan d'a vin̈: —¿Tom man̈oc ach ix vil ec' yed' Jesús b'aj ay te' avb'en te' jun? xchi d'a vin̈.

Chuj San Sebastian Bible

²⁶ Xlajw cha, 'ay jun smoso win sat ya'mal 'och sti eb' 'a Dios, 'ayt yuj sb'a yet' win 'ix tzu'x 'el schicn yuj Pedro. 'Ix yaln 'ixtc 'a Pedro cha: —Ach tic, ¿Tom man̈oc ach 'ix wil ec' yet' Jesús 'a scal jun tzo'n̈ 'awb'ente'? xchi 'a Pedro.

Jn 18:26 Referans Kwoze

Jn 18:10

Axo vin̈aj Simón Pedro, ix yic'anq'ueta q'uen yespada vin̈ d'a yol yatut, ix b'at jucnaj vin̈ d'a jun vin̈ scuch Malco, schecab' vin̈ sat sacerdote. Ix slesanel schiquin vin̈ vin̈ d'a svach'.

Jn 18:1

Ix lajvi yalan juntzan̈ chi' Jesús, ix b'at yed' eb' sc'ayb'um. Ix c'axpajec' eb' d'a sch'olanil a' Cedrón b'aj ay juntzan̈ te' avb'en te'. Ix c'och eb' d'a scal te'.

Mt 26:73

Junanto rato chi', ix c'och eb' aytaxon ec' ta' d'a vin̈aj Pedro chi', ix yalan eb' d'a vin̈: —Val yel, etb'eyum a b'a yed' eb' sc'ayb'um Jesús tic, yujto lajan a lolon yed' eb' scab'i, xchi eb'.

Pr 12:19

A eb' an̈ej yel syala', nivan tiempo syil eb'. Axo eb' tz'esan jun, elan̈chamel satel eb'.

Lc 22:58

Junanto rato chi', ay junxo ix och q'uelan d'a vin̈, ix yalani: —A ach tic, etb'eyum a b'a yed' eb', xchi d'a vin̈aj Pedro chi'. —Val yel maay, man̈ vetb'eyumoclaj in b'a yed' eb', xchi vin̈.