Jn 18:25 - Chuj San Mateo Bible

²⁵ Axo vin̈aj Pedro an̈eja' van sc'axni vin̈ yed' eb' vin̈ stan̈vumal templo chi'. Yuj chi' ix yalan eb' vin̈ d'a vin̈: —A ach tic, tecan sc'ayb'um ach Jesús, xchi eb' vin̈. Ix yic'anxiel vin̈ d'a yib'an̈, ix yalan vin̈: —Maay, man̈ in sc'ayb'umoclaj, xchi vin̈.

Chuj San Sebastian Bible

²⁵ Ax Pedro, an̈ja lin̈n 'och c'achnoc yet' ewin policía chi 'a sti c'ac'. Yuj cha, 'ix yaln ewin 'ixtc 'a 'a: —Ach tic, tecn scuywum ach Jesús, xchi ewinac. Ax Pedro, 'ix yij 'el 'a yib'an̈. 'Ix yaln 'ixtic: —Ma'ay, man̈ ino'oc, xchi cob'i'.

Jn 18:25 Referans Kwoze

Pr 29:25

A xivc'olal d'a eb' quetanimail, lajan icha junoc yaal, palta tan̈vab'il on̈ yuj Jehová tato scac'och co pensar d'ay.

Gn 18:15

Ayic ix yab'an jun chi' ix Sara chi', ix te xiv ix, ix yalan ix icha tic: —Malaj in tzin tzevaji, xchi ix. Axo ix tac'vi Jehová d'a ix icha tic: —Vojtac to ix ach tzevaji, xchi.

Lc 22:56

Axo jun ix criada, ayic ix yilan ix to c'ojanem vin̈aj Pedro chi' d'a sti' te' c'ac' chi', ix och q'uelan ix d'a vin̈, ix yalan ix: —A jun vin̈ tic, yetb'eyum sb'a vin̈ yed' Jesús tic, xchi ix.

Mt 26:69

Axo vin̈aj Pedro, c'ojanec' vin̈ d'a yamaq'uil jun pat chi'. Ix c'och jun ix criada d'a vin̈. —A ach tic, etb'eyum a b'a yed' Jesús aj Nazaret tic, xchi ix d'a vin̈.

Mr 14:66

Axo vin̈aj Pedro aytoec' vin̈ d'a yamaq'uil jun pat chi' ix c'och jun ix scriada vin̈ sat sacerdote.

Lc 22:55

Axo d'a yamaq'uil ti' pat chi' ix yac'och jun c'ac' eb' vin̈. Ix och oyan eb' vin̈ d'a sti' te', ix em c'ojan eb' vin̈. Ix em c'ojan pax vin̈aj Pedro chi' d'a scal eb' vin̈.

Lc 22:57

Axo vin̈, elan̈chamel ix yiq'uel vin̈ d'a yib'an̈, ix yalan vin̈: —Ach ix, man̈ vojtacoc jun vin̈ tzal chi', xchi vin̈ d'a ix.