Jn 13:27 - Chuj San Mateo Bible

²⁷ Ix lajvi schaan jab' ixim pan chi' vin̈, ix vach' och vin̈ Satanás d'a vin̈, ix yalan Jesús d'a vin̈: —A tas nab'il uuj, c'ulej d'a elan̈chamel, xchi d'a vin̈.

Chuj San Sebastian Bible

²⁷ Xlajwn̈ej schan win jab' pan cha, 'ix wach' 'och win Satanás 'a winac. Ax Jesús, 'ix yaln 'ixtc 'a winac: —A tas tza nalb'ej a b'oni, tzaln̈ej tza b'on muc'uc, xchi 'a winac.

Jn 13:27 Referans Kwoze

Lc 22:3

Ay jun vin̈ scuch Judas, vin̈ aj Queriot. Yetb'eyum sb'a vin̈ yed' eb' vin̈ uxluchvan̈ sc'ayb'um Jesús, palta a vin̈ Satanás ix och d'a vin̈.

Jn 13:2

Axo vin̈aj Judas yuninal vin̈aj Simón aj Queriot, toxo ix och vin̈ diablo d'a vin̈, yic vach' a vin̈ tz'ac'anoch Jesús d'a yol sc'ab' eb' ayoch ajc'olal d'ay. Palta yojtac Jesús to a d'a Dios cotnac, ata' ol c'ochxoc. Yojtac to a co Mam Dios ac'jinacoch masanil tas d'a yol sc'ab'. Ayic van sva yed' eb' sc'ayb'um, ix q'ue lin̈an, ix squichanel jun col spichul, ix stzec'anoch jun c'apac toalla d'a snan̈al.

A Tas Sc'ulejnac Eb' Schecab' Jesús Hechos 5:3

Axo ix yalan vin̈aj Pedro d'a vin̈: —¿Tas yuj ix yac' a c'ool vin̈ Satanás, yuj chi' tzesej d'a Yespíritu Dios? Ina ix ic'canel nan̈al q'uen ic d'a stojol jun a luum chi'.

Mt 12:45

Yuj chi' smeltzajxib'at d'a spatic, sb'at yic'ancot ucvan̈ocxo eb' enemigo ec'to schucal d'a yichan̈. Svach' och cajan eb' smasanil d'a jun anima chi'. Yuj chi', ste juviel jun anima chi' icha d'a sb'ab'elal. Icha jun anima chi', icha chi' ol aj svach' juviel e pensar a ex tic, xchi Jesús d'a eb'.

Ec 9:3

Ay jun tas chuclaj d'a scal masanil tas tzuji d'a yolyib'an̈q'uinal tic, aton b'aj junn̈ej tzon̈ sateli. A tas ayec' d'a co pensar co masanil, an̈ej chucal yed' man̈ pensaril, axo yic sjavi chamel d'a quib'an̈, tzon̈ sateli.

Pr 1:16

Yujto axon̈ej chucal syac' yip eb' sc'ulani, toxon̈ej snanon sc'ool eb' smac'ancham anima.

Dn 2:15

Ix sc'anb'an yab' vin̈ icha tic: —¿Tas yuj elan̈chamel ix yaq'uelta jun ley te ov tic vin̈ rey chi'? xchi vin̈. Ix yalan vin̈aj Arioc tas yaji.

Mr 6:25

Ix lajvi chi', ix c'ochxi ix d'a vin̈ rey chi', ix yalan ix: —In gana tzac' sjolom vin̈aj Juan, vin̈ tz'ac'an bautizar d'ayin. D'a yol junoc pultu in gana tzac' d'ayin, xchi ix.

Salmos 109:6

A junoc vin̈ chuc spensar tzac'och juezal d'a yib'an̈ vin̈. Aocab' junoc yajc'ool vin̈ tz'ac'ancanb'at d'a yib'an̈.

A Ch'an̈ B'ab'el Libro Yic Yab'ixal Eb' Rey 18:27

Axo yic ix och chimc'ualil, ix syamanoch vin̈aj Elías chi' sb'uchvaj d'a eb' vin̈: —Más chaan̈ tzex avaji, yujto dios jun, tecan ay tas van sc'ulani, mato ayb'at chuljel, ma ay b'aj ayb'at schec sb'a, mato jun, vaynac, pitzequel svayan̈, xchi vin̈.

Mt 4:10

Palta ix yalan Jesús d'a vin̈: —Ach Satanás, elan̈ d'a in tz'ey. Yujto icha tic syal d'a Slolonel Dios Tz'ib'ab'ilcani: A d'ayin tzeyal e b'a, yujto e Yajal in, e Diosal in. A inn̈ej tzin eyac' servil, xchi Dios, xchi Jesús chi'.

Jn 6:70

Ix yalanxi Jesús d'a eb': —A ex e lajchavan̈il, a in ex in sic'caneli. Palta ay jun d'a e cal, schecab' vin̈ diablo yaji, xchi d'a eb'.

Jn 13:28

Axo eb' vin̈ ayoch yed' d'a te' mexa chi', malaj junoc eb' vin̈ ix nachajel yuuj tas yuj icha chi' ix yal d'a vin̈.