Jn 12:28 - Chuj San Mateo Bible

²⁸ Mamin, checlajocab'eli to nivan elc'ochi, xchi Jesús. Ix lajvi chi', ix lolonemta jun d'a satchaan̈, ix yalan icha tic: —Toxo ix in ch'oxeli to nivan velc'ochi, axo ticnaic ol in ch'oxel junelxo, xchi.

Chuj San Sebastian Bible

²⁸ Mamin, checlj cab' 'eli, chajtlto caw niwn el'chi, xchi Jesús. Xlajw cha, 'ix yab'n eb' yoch jun paxti 'a satcha'an̈, 'ix yaln 'ixtic: —Tox xin ch'oxo chajtlto niwn wel'chi. Al ticnec, 'oj in ch'ox pax jun 'ejm xo, xchi.

Jn 12:28 Referans Kwoze

Mt 26:42

Ix lajvi chi', ix b'atxi lesal, ix yalan icha tic: —Mamin, tato max yal yec' jun yaelal tic d'a vib'an̈, elocab'c'och tas nab'il uuj, xchi.

Mt 17:5

Van to yalan vin̈aj Pedro chi', ix c'och jun asun. Ix em moyan d'a yib'an̈ eb'. Toxon̈ej veei yilji. Ix lajvi chi', ix ab'chaj jun lolonel d'a scal asun chi', ix yalani: —Aton jun tic Vuninal, te xajanab'il vuuj. Tzin tzalaj val yed'oc. Aq'uecoch e chiquin d'a tas syala', xchi.

Mt 3:17

Axo ix yab'an eb', ay jun ix lolonemta d'a satchaan̈. Ix yalan icha tic: —Aton jun tic, Vuninal. Te xajanab'il vuuj. Tzin tzalaj val yed'oc, xchi.

A Schab'il Carta San Pedro 1:17

A on̈ val lac'an quilnac yac'an stziquiquial co Mam Dios d'ay. Cab'nac pax yalan Dios to te nivan yelc'ochi. Yalannac emta Dios icha tic d'a scal jun snivan tziquiquial chi': Aton jun Vuninal tic, xajanab'il vuuj. Tzin tzalaj val yed'oc, xchi.

Ef 3:21

Nivanocab' yelc'och Dios cuuj d'a masanil tiempo a on̈ yiglesia on̈xo tic yed' pax yuj Cristo Jesús. Amén.

Ef 3:10

A spensar Dios chi' to a jantacn̈ej eb' ayoch yajalil d'a satchaan̈ yed' eb' ay yopisio ta', ayic syilan eb' chajtil caj a on̈ yiglesia on̈xo tic, svach' nachajel yuj eb' to man̈ jantacoc sjelanil Dios chi'.

Ef 2:7

Ato ol javoc sc'ual, a co Mam Dios ol ac'an ojtacajeloc to man̈xo b'ischajb'enoc jantac svach'c'olal. Ol checlajel jun chi' yuj snivan vach'c'olal ix yac' d'ayon̈ yuj Cristo Jesús.

Jn 18:11

Axo ix yalan Jesús d'a vin̈aj Pedro chi': —Aq'uem q'uen espada chi' d'a yol yatut. ¿Tom man̈ ol vac' in b'a d'a jun yaelal syac'cot in Mam d'a vib'an̈ tic a naani? xchi d'a vin̈.

Jn 11:4

Ayic ix yab'an Jesús tas ix yalcot eb' ix chi', ix yalan icha tic: —A jun ilya chi', man̈ ol chamlaj vin̈ yuuj d'a juneln̈ej. Ix yamchaj vin̈ yuj jun yab'il chi' yic ol sch'ox Dios to te nivan yelc'ochi, yic scheclajpaxeli to te nivan velc'och a in Yuninal in Dios tic, xchi Jesús.

Jn 9:3

Ix yalan Jesús chi' d'a eb': —A jun vin̈ tic, man̈ yujoc smul smam snun vin̈, man̈ yujoc pax smul vin̈ icha chi' yajcani. Yujto snib'ej Dios sch'ox tas satub'tac yuj vin̈, yuj chi' icha tic yaj vin̈.

Lc 9:35

Ix lajvi chi', ix ab'chaj jun lolonel d'a scal asun chi', ix yalani: —Aton jun tic Vuninal, sic'b'ilel vuuj. Aq'uec och e chiquin d'a tas syala', xchi jun lolonel chi'.

Lc 3:22

Axo Yespíritu Dios ix emul d'a yib'an̈ icha noc' paramuch. Ix yab'an yoch jun lolonel d'a satchaan̈ icha tic: —A ach tic, Vuninal ach, xajanab'il ach vuuj. Tzin tzalaj val ed'oc, xchi jun av chi'.

Mr 14:36

Ix yalani: —Mamin, masanil tas syal uuj. Iq'uec' jun yaelal tic d'a vib'an̈. Palta man̈ ichaoc in gana a in tic, palta ichocab' a gana, xchi.

Mr 9:7

Ix lajvi chi', ix c'och jun asun, ix em moyan d'a yib'an̈ eb'. Ix aljiemta jun lolonel d'a scal jun asun chi', ix yalani: —Aton jun tic Vuninal, te xajanab'il vuuj. Aq'uecoch e chiquin d'ay, xchi jun lolonel chi'.

Mr 1:11

Ix ab'chaj yaljiemta jun lolonel d'a satchaan̈, ix yalan icha tic: —A ach ton tic Vuninal ach, xajanab'il ach vuuj. Tzin tzalaj val ed'oc, xchi d'a Jesús.

Mt 11:25

A d'a jun tiempoal chi', ix lesalvi Jesús, ix yalan icha tic: —Mamin, Yajal ach d'a satchaan̈ yed' d'a yolyib'an̈q'uinal tic. Yuj val dios d'ayach Mamin, yujto ix a c'ub'ejel juntzan̈ tic d'a eb' jelan, d'a eb' te ay spensar d'a yichan̈ eb' yetanimail, axo d'a eb' icha unin, ata' ix a ch'oxo'.

Mt 11:26

Icha chi' ix aj Mamin, yujto icha chi' a gana, xchi d'a Dios.