Jeremías 8:14 - Chuj San Mateo Bible

¹⁴ Ol yal eb' aj Judá icha tic: ¿Tas yuj tzon̈ can d'a tic? Co molb'ejec co b'a, con̈ b'ateccan d'a chon̈ab' vach' yajoch smuroal. Ata' ol co col co b'a, vach'chom d'a scal oval ol on̈ chamoc. A Jehová co Diosal tzon̈ sataneli, yujto ix och co mul d'ay, ichato ix yac' cuc' a a' ayb'at veneno d'a scal.

Chuj San Sebastian Bible

¹⁴ Ax yaln eb' 'aj Judá 'ixtic: ¿Tas to yuj tzon̈ canc 'a tic? Qui yamc qui b'a qui masnil, coyc 'a jun tzo'n̈ chon̈b' wach' yajch smuroal. Ata 'oj qui chamec, yujto 'ixta x'el 'a sc'ojl Jehová qui Diosalec, to tzon̈ satc 'eli, tox 'ix yac' cu'c a a 'ay't veneno 'a scal, yujto 'ix 'och qui mulc 'a 'a.

Jeremías 8:14 Referans Kwoze

Jeremías 23:15

Yuj chi' a in Jehová Yajal in d'a Smasanil, sval juntzan̈ lolonel tic yuj juntzan̈ eb' syaloch sb'a in checab'oc chi': Yujto yuj eb' sq'uechaan̈ chucal d'a masanil smacb'en eb' tic, yuj chi' ol vac' tas c'a' sva eb' yed' yuq'uej eb', to scham anima yuuj.

Jeremías 9:15

Yuj chi' a in Jehová Yajal in d'a Smasanil, sDiosal in Israel svala': Ol vac' yab' syail eb' d'a junjun c'u, ol q'ue val chi'an sat eb' yab'an syail icha sc'a'il junoc tas c'a' sva eb', ma syuc' eb'.

Lm 3:19

A tzin naancot in cuselal yed' vec' in ch'ocojil, te ya svab'i.

Jeremías 35:11

Palta axo yic ix javi vin̈aj Nabucodonosor sreyal Babilonia yac' oval d'a jun nación tic, ix on̈ el elelal. Ix co naani to vach' tzon̈ jacan d'a Jerusalén tic, yujto on̈ el d'a eb' soldado caldeo yed' d'a eb' soldado aj Siria. Yuj chi' ayon̈ec' cajan d'a Jerusalén tic, xchi eb' yin̈tilal vin̈aj Recab.

Mt 27:34

Ata' ix yac' yal uva eb' vin̈ yuq'uej, calan yaj yed' an̈ ixaj. Palta ayic ix yab'lani, maj schalaj yuq'uej d'a eb' vin̈.

Salmos 69:21

Ix yac'b'at veneno eb' d'a scal in vael. Ayic ix tacji in ti', a vinagre ix yac' eb' vuq'uej.

A Ch'an̈ Schab'l Libro Samuel 20:6

Yuj chi' ix yalan vin̈aj rey David chi' d'a vin̈aj Abisai: —Tecan to ec'b'al ol on̈ yixtej vin̈aj Seba tic d'a yichan̈ icha ix sc'ulej vin̈aj Absalón. Yuj chi' cuchb'ej masanil eb' soldado, tzach b'at d'a spatic vin̈, axo talaj tz'aji tz'och vin̈ scol sb'a d'a junoc chon̈ab' ayoch smuroal, tz'el vin̈ d'ayon̈, xchi vin̈.

Dt 29:18

Comonoc malaj junoc anima d'a co cal tic, vinac, ma ix, ma junoc yin̈tilal eb' quetchon̈ab' tz'actancan Jehová co Diosal, axo d'a sdiosal juntzan̈ nación chi' tz'och ejmelal. Tato icha chi' sc'ulej, lajan icha junoc yib' te' svolani, a svol chi' te c'a', scham anima yuuj.

Zacarías 2:13

Numc'ajocab' masanil anima d'a yolyib'an̈q'uinal d'a yichan̈ Jehová, yujto van scot yuj eb' schon̈ab', van yelta d'a yol scajnub' yicn̈ej yaji.

Habacuc 2:20

Palta a Jehová, ayec' d'a yol stemplo yicn̈ej yaji, yuj chi' numanocab' tz'aj masanil tas ay d'a yolyib'an̈q'uinal tic d'a yichan̈.

Am 6:10

A junoc sc'ab' yoc juntzan̈ chamnac chi' ol ic'anelta snivanil eb' d'a yol pat yic ol tz'aoc, ol yalan d'a yaln̈ej mach aycan d'a yol chi': ¿Aytom mach ayec' ed'oc? xchama. Axo junxo chi' ol tac'voc: Malaj mach, xchama. Ol yalanpax jun ix c'anb'an chi': Tz'in xa chi, axo talaj tz'aji, tzac' b'inaj Jehová, xchama.

Jeremías 14:20

Mamin Jehová, scojtaquejel co chucal yed' pax spitalil eb' co mam quicham. Ix och val co mul d'ayach.

Salmos 39:2

Ix in em numnajoc, majxo valpaxlaj vach' lolonel. Palta axo in yaelal ix te nivtaji.

Dt 32:32

A eb' cajc'ol chi' stzalaj eb' yed' chucal icha schucal eb' aj Sodoma yed' eb' aj Gomorra. Axo stzalajc'olal eb' chi' lajan icha veneno.

Lv 10:3

Ix lajvi chi', ix yalan vin̈aj Moisés chi' d'a vin̈aj Aarón: —Aton jun tic syalelc'och slolonel Jehová ix yala': A yuj eb' tzin ac'an servil, ol in ch'ox in b'a, to A inxon̈ej ochi. A d'a masanil in chon̈ab' ol in ch'ox in tziquiquial, xchi Jehová, xchi vin̈. Ix em numnaj vin̈aj Aarón chi', man̈xalaj tas ix yal vin̈.

Is 47:5

Ex caldeo, eman̈ec c'ojan d'a cuseltaquil d'a cal q'uic'alq'uinal. Man̈xa b'aq'uin̈ ol ex b'inaj yajalil d'a juntzan̈xo nivac nación.

Jeremías 3:25

Quiq'uec em co b'a yuj q'uixvelal, yujto a on̈ tic yed' eb' co mam quicham, ix te och val co mul d'a Jehová co Diosal. Yictax yune' chon̈ab' on̈to masanto ticnaic, max co c'anab'ajej tas syal d'ayon̈, xchi eb'.

Jeremías 14:7

Mamin Jehová, vach'chom te nivan co mul d'a a sat, palta colvajan̈ d'ayon̈ yic vach' max ach alchaj chucal. Tzijtum el sco pitej co b'a d'ayach, tz'ochpax co mul.

Jeremías 9:14

Ix yac'an val pitb'oquel spensar eb', ix yac'anem sb'a eb' d'a juntzan̈ comon dios, icha ix aj sc'ayb'ajcan eb' yuj smam yicham.