Jeremías 44:15 - Chuj San Mateo Bible

¹⁵ Yuj chi' masanil eb' vin̈ ojtannac to a eb' ix yetb'eyum eb' vin̈ sn̈us incienso eb' ix d'a juntzan̈ comon dios yed' masanil eb' ix ix ayec' ta', te tzijtum eb' molaneq'ui yed' pax masanil eb' aj Judá cajan d'a Egipto yed' d'a Patros, ix tac'vi eb' d'ayin icha tic:

Chuj San Sebastian Bible

¹⁵ Yuj cha, smasnil eb' winc to yojtac chajtlto a eb' 'ix yistzil ewin tz'a'n incienso xajmb'al-l 'a jun tzo'n̈ chuc diosal, yet' smasnil eb' 'ix 'ix 'ayc' ta', caw wal niwn sb'isl eb', yet' pax smasnil eb' 'aj Judá cajn 'ec' 'a Egipto, yet' 'a Patros, 'ix ta'w eb' 'ayn 'ixtic:

Jeremías 44:15 Referans Kwoze

Pr 11:21

Ayic sch'olb'itaj eb' anima, max ec'b'atlaj yac'jioch yaelal d'a yib'an̈ eb' chuc, axo eb' tojol sb'eyb'al, malaj tas tz'ac'jioch d'a yib'an̈ eb'.

Mt 7:13

Ay jun icha puerta yunen̈ej sat, ata' slaj ex ochi. Ay pax junxo icha puerta te levan yed' jun icha nivan b'e te levan, palta yic syaelal. Yuj chi' man̈ jantacoc eb' anima sb'atcan ta'.

Nehemías 13:26

Icha val tic aj yochnac smul vin̈aj Salomón ochnac reyal d'a co chon̈ab' tic. Malaj junocxo rey lajan yed' vin̈ d'a juntzan̈xo nación, te xajan vin̈ yuj Dios, yuj chi' ac'jinacoch vin̈ co reyaloc yuuj, palta cuchb'ajnacb'at vin̈ d'a chucal yuj eb' ix ch'oc chon̈ab'il chi'.

Gn 19:4

Ayic mantzac vay eb', ix c'och masanil eb' vin̈ vinac cajan chi' ta', ix oymaj eb' vin̈ d'a spatictac spat vin̈aj Lot chi'.

Is 1:5

¿Tas yuj tze te pitej e b'a? ¿Tom tze nib'ejn̈ej tz'ac'jioch yaelal d'a eyib'an̈? Ichato lajvinac e jolom, man̈xalaj jab'oc yip e nivanil.

Is 48:5

Ayocto valannaccan d'ayex ayic manto uji juntzan̈ tic. Yuj chi' max yal eyalan icha tic yuj juntzan̈ e comon dios nab'a te', ma q'ueen: A co diosal tic ix naan jun tic, a ix ac'an elc'ochi, man̈ xe chioc.

Jeremías 44:19

Ix yalan eb' ix ix icha tic: —A on̈ tic ix co b'o ixim vail icha yechel ix yajalil satchaan̈, ix co n̈usan incienso, ix cac'anpax vino silab'il d'ay. Masanil tas ix co c'ulej chi', d'a yichan̈ eb' vin̈ quetb'eyum ix co c'ulej, xchi eb' ix.

Jeremías 44:24

Ix valanxi d'a eb' ix ix yed' d'a masanil anima chi' icha tic: —Ab'ec val jun slolonel Jehová tic ex vetchon̈ab', ex cajan ex d'a yol yic Egipto tic ticnaic.

Ez 29:14

A eb' aj Egipto sacleminac yajcanb'at chi', ol c'ochxoc eb' d'a Patros, aton ay d'a sur yic Egipto, b'aj aljinac eb' smam yicham eb'. Ata' ol cajnajxoc eb', palta man̈xalaj ol aj yelc'och eb'.

Ez 30:14

Ol in satel chon̈ab' Patros, ol vac'anoch sc'ac'al chon̈ab' Zoán, ol vac'anoch yaelal d'a yib'an̈ chon̈ab' Tebas.

Jeremías 44:1

Aton juntzan̈ lolonel tic ix yal Jehová d'ayin Jeremías in tic, yic sval d'a eb' aj Judá, aton eb' ix c'och cajan d'a yol smacb'en Egipto, aton d'a Migdol, d'a Tafnes, d'a Menfis yed' d'a Patros.