Jeremías 29:1 - Chuj San Mateo Bible

¹ A in Jeremías in tic schecab' in Dios, ix vac'b'at jun in carta d'a eb' yichamtac vinaquil chon̈ab', d'a eb' sacerdote, d'a eb' schecab' Dios yed' d'a masanil anima aj Jerusalén ic'b'ilb'at yuj vin̈aj Nabucodonosor d'a Babilonia.

Chuj San Sebastian Bible

^1-2 An Jeremías in tic in cancn 'a Jerusalén tic, palta til wal eb' 'aj Jerusalén yet' eb' 'aj Judá 'ix 'ijx 'at 'icha presoal 'a Babilonia yuj win rey Nabucodonosor. 'Ix 'ijx 'at win rey Jeconías yet' 'ix reina, atn 'ix snun winac, yet' eb' 'aych yopiso 'a sdespacho winac, eb' yajl yaj 'a Judá yet' 'a Jerusalén, eb' b'om yamc'ab', yet' pax eb' tenmq'ue'en. Yuj cha, 'ix in tz'ib'n 'at jun in carta 'a eb' schecb' Dios, 'a eb' ya'mal 'och sti eb' 'a Dios, yet' 'a eb' tzjucb'tzan eb' chon̈ab', yet' 'a smasnil eb' quit chon̈b' 'ijxnac 'at 'a Babilonia cha.

Jeremías 29:1 Referans Kwoze

Ester 9:20

Ix schecan tz'ib'chaj masanil juntzan̈ tas ix uji tic vin̈aj Mardoqueo, ix schecan vin̈ to tz'ac'chajb'at d'a masanil eb' yetisraelal vin̈ cajan d'a masanil yol smacb'en vin̈aj rey Asuero chi', eb' cajan d'a slac'anil yed' eb' cajan d'a najat.

A Ch'an̈ Carta D'a Eb' Hebreo 13:22

Ex vuc'tac ex vanab', tzin c'an val d'ayex to nivan tzeyutej e c'ool d'a juntzan̈ lolonel svalb'at tic, yic svecan e na'a, vach'chom quenn̈ej svalb'at d'ayex d'a jun carta tic.

A Tas Sc'ulejnac Eb' Schecab' Jesús Hechos 15:23

Ix checjib'at eb' vin̈ yac' jun carta chi'. Axo d'a yol ch'an̈ carta chi', icha tic tas ix yal eb': A on̈ schecab' on̈ Jesús, eb' anciano yed' eb' creyente smasanil, tic scac'b'at stzatzil e c'ool a ex man̈ ex israeloc d'a chon̈ab' Antioquía, d'a yol yic Siria yed' d'a Cilicia.

2 Co 7:8

Vach'chom te cusnac ex yuj jun carta in tz'ib'ejnacb'at d'ayex, palta maxtzac in cus yuuj ticnaic. Vach'chom d'a sb'ab'elal cusnac in yuj jun carta chi', yujto vab'nac to cusnac ex jaye' c'ual yuuj.

Jeremías 28:4

A in Jehová in svala' to ol vac' meltzaj vin̈aj Jeconías sreyal Judá, vin̈ yuninal vin̈aj Joacim yed' masanil eb' anima ic'b'ilb'at d'a Babilonia chi'. Ol in can̈chitej syugo vin̈ rey chi' ayem d'a eyib'an̈, xchi Jehová, xchi vin̈aj Hananías chi'.

Gl 6:11

Ilecnab' val juntzan̈ nivac letra a in val lac'an tzin tz'ib'ejb'ati.

A Ch'an̈ Schab'il Libro Yic Yab'ixal Eb' Rey 24:12

Yuj chi' ix yac'och sb'a vin̈aj Joaquín sreyal Judá yed' ix snun, eb' vin̈ yetyajalil vin̈ yed' pax eb' vin̈ schecab' vin̈ d'a yol sc'ab' vin̈aj Nabucodonosor chi'. Ix ic'jib'at eb' d'a Babilonia ayic svajxaquilxo ab'il yoch vin̈aj Nabucodonosor chi' reyal.

2 Cr 36:10

A d'a b'ab'el uj yic jun ab'il chi', ix yal vin̈aj Nabucodonosor to tz'ic'jib'at vin̈aj Joaquín chi' d'a Babilonia yed' juntzan̈ yamc'ab' te caro stojol ay d'a scajnub' Jehová. Axo vin̈aj Sedequías ix ac'jioch reyal d'a Judá yed' d'a Jerusalén sq'uexuloc vin̈aj Joaquín chi'. A vin̈aj Sedequías chi', sc'ab' yoc sb'a vin̈ yed' vin̈aj Joaquín chi'.

Jeremías 28:17

A d'a yuquil uj d'a jun ab'il chi', ix cham vin̈aj Hananías chi'.

Jeremías 29:8

Yujto a in Jehová Yajal in d'a Smasanil, e Diosal in, a in sval juntzan̈ tic: Man̈ eyac' e b'a musansatil yuj juntzan̈ eb' syesejoch sb'a in checab'oc yed' eb' naumel lolonel yalani. Man̈ e cha eyab' svayich eb' syala'.

Jeremías 29:20

E masanil ex aj Jerusalén ix ex vac' ic'jocb'at d'a Babilonia, ab'ec val in lolonel svala'.

Jeremías 51:61

Ix valan d'a vin̈aj Seraías chi' icha tic: Ayic tzach c'och d'a Babilonia chi', tzil val tas tzutej avtan masanil juntzan̈ lolonel tic.