Jeremías 23:15 - Chuj San Mateo Bible

¹⁵ Yuj chi' a in Jehová Yajal in d'a Smasanil, sval juntzan̈ lolonel tic yuj juntzan̈ eb' syaloch sb'a in checab'oc chi': Yujto yuj eb' sq'uechaan̈ chucal d'a masanil smacb'en eb' tic, yuj chi' ol vac' tas c'a' sva eb' yed' yuq'uej eb', to scham anima yuuj.

Chuj San Sebastian Bible

¹⁵ Yuj cha, an Jehová in, tztac' wuj smasnil, an tzwal jun tzo'n̈ paxti tic 'a eb' tzyalch sb'a in checb'oc: A wal tas c'a, a chi 'oj wac' sc'ux eb'. Ax a a 'ayb't veneno 'a scal, a 'oj wac' yuc' eb'. Yujto yujn̈ej eb' tzyalch sb'a in checb'oc 'a Jerusalén, yuj cha, 'ix pucb't maysch'olnilal 'a smasnil jun nacion̈ tic, xchi Dios.

Jeremías 23:15 Referans Kwoze

Jeremías 8:14

Ol yal eb' aj Judá icha tic: ¿Tas yuj tzon̈ can d'a tic? Co molb'ejec co b'a, con̈ b'ateccan d'a chon̈ab' vach' yajoch smuroal. Ata' ol co col co b'a, vach'chom d'a scal oval ol on̈ chamoc. A Jehová co Diosal tzon̈ sataneli, yujto ix och co mul d'ay, ichato ix yac' cuc' a a' ayb'at veneno d'a scal.

Jeremías 9:15

Yuj chi' a in Jehová Yajal in d'a Smasanil, sDiosal in Israel svala': Ol vac' yab' syail eb' d'a junjun c'u, ol q'ue val chi'an sat eb' yab'an syail icha sc'a'il junoc tas c'a' sva eb', ma syuc' eb'.

Lm 3:15

D'a val syaelal ix in ajec' yuj Dios. Te c'a' tas ix yac' vuq'uej.

Lm 3:5

Ix in smacchej yed' yaelal yed' cusc'olal.

Salmos 69:21

Ix yac'b'at veneno eb' d'a scal in vael. Ayic ix tacji in ti', a vinagre ix yac' eb' vuq'uej.

Apoc 8:11

A jun c'anal chi', scuch Ixaj. A juntzan̈ a a' b'aj ix laj em chi', lajan ix aj a' icha an̈ ixaj. Tzijtum anima ix cham yuj a', yujto te c'a' ix aj a'.

Mt 27:34

Ata' ix yac' yal uva eb' vin̈ yuq'uej, calan yaj yed' an̈ ixaj. Palta ayic ix yab'lani, maj schalaj yuq'uej d'a eb' vin̈.

Lm 3:19

A tzin naancot in cuselal yed' vec' in ch'ocojil, te ya svab'i.

Dt 29:18

Comonoc malaj junoc anima d'a co cal tic, vinac, ma ix, ma junoc yin̈tilal eb' quetchon̈ab' tz'actancan Jehová co Diosal, axo d'a sdiosal juntzan̈ nación chi' tz'och ejmelal. Tato icha chi' sc'ulej, lajan icha junoc yib' te' svolani, a svol chi' te c'a', scham anima yuuj.

Jeremías 14:15

A in Jehová in sval d'a juntzan̈ checab' stec'b'ej sb'a yalanel d'a in b'i to malaj oval, malaj vejel ol javoc d'a yib'an̈ chon̈ab' tic, man̈oc in tzin chec yal eb', yuj chi' ol cham eb' yuj oval yed' yuj vejel chi'.

Zacarías 13:2

A in Jehová in tic svala' to a d'a masanil yol jun nación tic, ol vac' satel masanil juntzan̈ comon dios yic vach' man̈xo ol nachajcot sb'i. Masanil eb' syaloch sb'a in checab'oc, ol in satpaxel eb' d'a yol nación tic yed' masanil eb' ayoch spensar d'a eb' demonio.

Jeremías 9:14

Ix yac'an val pitb'oquel spensar eb', ix yac'anem sb'a eb' d'a juntzan̈ comon dios, icha ix aj sc'ayb'ajcan eb' yuj smam yicham.