Jeremías 22:25 - Chuj San Mateo Bible

²⁵ Ol ach vac'canoch d'a yol sc'ab' eb' ajc'ol b'aj tzach te xivi, eb' snib'an ach smilanchamoc, aton vin̈aj Nabucodonosor sreyal Babilonia yed' eb' ajun yed'oc.

Chuj San Sebastian Bible

²⁵ 'Oj ach wa'ch 'a yol sc'ab' eb' 'ajc'ojl to caw wal tzach xiw yu'uj, atn eb' tznib'n tzach miln chamoc. 'Oj ach wa'ch 'a yol sc'ab' win Nabucodonosor sreyl Babilonia yet' 'a yol sc'ab' eb' soldado ajun yet'oc.

Jeremías 22:25 Referans Kwoze

Jeremías 21:7

Ol lajvoc chi', a achxo tic ach Sedequías, ol ach vac'och d'a yol sc'ab' vin̈aj Nabucodonosor yed' d'a juntzan̈xo eb' ayoch ajc'olal d'ayach. Ol ach vac'och d'a yol sc'ab' eb' yed' eb' a checab', eb' a soldado yed' eb' anima pitzanto ol can d'a jun chon̈ab' tic, aton eb' olto can yuj jun nivan yab'il, oval yed' vejel. A in val Jehová in svala', man̈ ol oc' sc'ol jun vin̈ rey chi' d'a eb', ol miljoccham eb' yuj vin̈.

Jeremías 38:16

Palta c'ub'eltac ix yac' sti' vin̈ d'ayin icha tic: —D'a yichan̈ Jehová tz'ac'an co q'uinal svac' in ti' d'ayach to man̈ ol ach in chec miljocchamoc, man̈ ol ach vac'paxoch d'a yol sc'ab' eb' sgana ach smilanchamoc, xchi vin̈.

Jeremías 22:28

¿Tom lajan vin̈aj Jeconías tic yed' junoc lum chen pojeltac man̈xa yopisio, ma icha junoc yamc'ab' man̈xa mach snib'ani? ¿Tas yuj sjuljicanb'at vin̈ yed' eb' yin̈tilal d'a jun lum luum man̈ yojtacoc?

Pr 10:24

A tastac b'aj xiv eb' chuc, a sjavi d'a yib'an̈ eb'. Axo eb' vach' spensar jun, tz'elc'och tas snib'ej eb'.

2 Cr 36:10

A d'a b'ab'el uj yic jun ab'il chi', ix yal vin̈aj Nabucodonosor to tz'ic'jib'at vin̈aj Joaquín chi' d'a Babilonia yed' juntzan̈ yamc'ab' te caro stojol ay d'a scajnub' Jehová. Axo vin̈aj Sedequías ix ac'jioch reyal d'a Judá yed' d'a Jerusalén sq'uexuloc vin̈aj Joaquín chi'. A vin̈aj Sedequías chi', sc'ab' yoc sb'a vin̈ yed' vin̈aj Joaquín chi'.

Jeremías 27:6

Yuj chi', a ticnaic svac'canoch juntzan̈ nación tic d'a yol sc'ab' vin̈ in checab' aj Nabucodonosor sreyal Babilonia. Svac'paxcanoch noc' caltacte'al noc' d'a yalan̈ smandar vin̈.