Jeremías 15:11 - Chuj San Mateo Bible

¹¹ Mamin Jehová, elocab'c'och b'aj tzin scatab'ej eb' chi' tato chuc ix vutej ach vac'an servil, tato maj in c'an a vach'c'olal d'a yib'an̈ eb' ayoch ajc'olal d'ayin, ayic ayoch eb' d'a cusc'olal yed' d'a syaelal.

Chuj San Sebastian Bible

¹¹ 'El'ch cab' scatb' paxti eb' chi 'ayn Mamin Jehová, toto man̈ wach'c ach wutj ach wa'n servil, toto ma'ix in c'an a wach'c'ojlal 'a yib'n̈ eb' 'ajc'ojl yajch 'ayn cha, yic 'aych eb' 'a syailal yet' 'a scusc'ojlal.

Jeremías 15:11 Referans Kwoze

Pr 16:7

Tato stzalaj Jehová yed' co b'eyb'al, tz'och junc'olal d'a co cal yed' eb' ajc'ol yajoch d'ayon̈.

Salmos 106:46

A' ix ac'an sc'ulej eb' ajc'ool chi' yic vach' syutej spensar eb' d'a eb'.

Jeremías 37:3

A vin̈aj rey Sedequías chi' ix checancot vin̈aj Jucal yuninal vin̈aj Selemías yed' vin̈aj sacerdote Sofonías yuninal vin̈aj Maasías, yic tzul in yilan eb' vin̈, ix yalan eb' vin̈ d'ayin icha tic: Lesalvan̈ d'a Jehová co Diosal cuuj, xchi eb' vin̈.

Ec 8:12

Vach'chom syalcan jun lolonel icha tic: A eb' sc'ulan vach'il ay yelc'och Dios d'a eb', vach'n̈ej tz'elc'och eb'.

Jeremías 42:2

Ix yalan eb' icha tic: —Ay val jun tas ol co c'an d'ayach ticnaic, man̈ a tenec' d'ayon̈: Lesalvan̈ d'a Jehová co Diosal cuj jayvan̈ on̈ ix on̈ can ic. A d'a yalan̈taxo, tzijtum co b'eyi, palta axo ticnaic axon̈ej jayvan̈ on̈ ayon̈ec' tic on̈ cani.

Jeremías 21:2

Tzon̈ tevi d'ayach to tza c'an d'a Jehová cuuj, yujto a vin̈aj Nabucodonosor sreyal Babilonia, van yac'an oval vin̈ qued'oc. C'an d'a Jehová chi' to sch'ox spoder, icha sc'ulejnac d'a pecataxo, yic syic'anel vin̈aj Nabucodonosor chi', xchi eb' vin̈.

Pr 21:1

A d'a yol sc'ab' Jehová, ata' ayoch spensar eb' rey, icha secojtaquil sq'uexchaj sb'e a a', icha chi' tz'aj sq'uexchaj spensar eb' rey chi' yuuj.

Salmos 138:3

Ix ach tac'vi d'ayin ayic ix in avaj d'ayach, ix ac'an vip.

Is 41:10

Man̈ ex xivoc, ayinec' eyed'oc. Man̈ ex och ilc'olal, yujto a in ton tic e Diosal in. A in svac' eyip, a in tzex in colo'. A in tzex in yamoch vaan yed' vip svac'lab'ej d'a tojolal.

Jeremías 37:17

Axo vin̈aj rey Sedequías in ac'an ic'joccot d'a spalacio. Ayic in c'och d'a yichan̈ vin̈ rey chi', sc'anb'an vin̈ d'ayin d'a elc'altac icha tic: —¿Ay am junoc slolonel Jehová tzal d'ayin? xchi vin̈. In tac'vi d'a vin̈ icha tic: —Ay toni. Icha val tic yalani: A ach tic mamin rey, ol ach ac'jococh d'a yol sc'ab' vin̈ sreyal Babilonia, xin chi.

Jeremías 38:14

Ix yalan vin̈aj rey Sedequías chi' to tzin ic'jib'at a in Jeremías in tic d'a yichan̈ vin̈, masanto d'a yoxil spuertail templo. Ata' ix yal vin̈ d'ayin icha tic: —Ay jun tas tzin c'anb'ej d'ayach, in gana to tz'acan ol aj a pacan d'ayin, xchi vin̈.