Is 36:13 - Chuj San Mateo Bible

¹³ Yuj chi' ix q'ue lin̈an vin̈ yajal chi', ix avaj chaan̈ vin̈, ix yalan vin̈ d'a ti' hebreo: —Ab'ec val tas syal vin̈ rey ec'b'al te nivan yelc'ochi, aton vin̈ sreyal Asiria:

Chuj San Sebastian Bible

¹³ Xlajw cha, 'ix q'ue lin̈n win syajlil eb' soldado asirio cha, caw 'ip 'ix yal 'ixtc 'a sti eb' hebreo: —'Ab'tec wal tas tzyal win niwquil rey, atn sreyl chon̈b' Asiria.

Is 36:13 Referans Kwoze

2 Cr 32:18

A eb' schecab' vin̈aj Senaquerib chi', te chaan̈ ix yal eb' d'a eb' anima ay d'a Jerusalén chi', aton eb' lin̈jab'q'ue d'a yib'an̈ muro, te chaan̈ ix yal eb' d'a hebreo, yic xib'taj eb' anima chi' yuj eb', yic syac'an ganar Jerusalén chi' eb' yalani.

Dn 4:37

A ticnaic, a in val svic'chaan̈ Jun sReyal satchaan̈. Svalanpax vach' lolonel d'ay, yujto a masanil tas sc'ulej, vach'n̈ej, tojoln̈ej d'a smasanil. Syalpax yic'anemta eb' syaloch sb'a to nivan yelc'ochi, xchib'at vin̈aj Nabucodonosor chi'.

Is 36:4

Ix yalan vin̈ d'a eb' vin̈ icha tic: —Alec juntzan̈ lolonel tic d'a vin̈aj Ezequías, to a vin̈ sreyal Asiria ec'b'al te nivan yelc'ochi, a vin̈ tz'alan icha tic: ¿Tas ayoch yipoc a c'ool?

Is 8:7

A inxo ichato ol vac'cot chulnaj a' nivan Éufrates tz'el d'a stitac smelemal d'a yib'an̈ eb', ol javoc sib'naj a' d'a Judá tic, ol b'ud'joquel masanil sat lum yuj a'. Ol q'uec'och sjulal a' d'a sjaj eb' anima tic. (Syalelc'ochi aton vin̈ sreyal Asiria yed' masanil soldado). Icha chi' ol yutoc vin̈ smacanec' lum a luum ach Emanuel, icha junoc noc' noc' tz'el jen̈an sc'axil, nivan smaca', icha chi' ol yutoc lum a luum chi' vin̈, xchi Jehová.

Is 36:11

Ix tac'vi vin̈aj Eliaquim, vin̈aj Sebna yed' vin̈aj Joa d'a jun vin̈ yajalil eb' soldado chi' icha tic: —Sco c'an d'ayach to a d'a ti' arameo tzach loloni, yujto scab'pax a on̈ tic. Man̈ al d'a ti' hebreo yic max yab' masanil eb' anima ayq'ue d'a yib'an̈ smuroal chon̈ab' tic, xchi eb' vin̈.

Is 36:12

Palta ix yalan vin̈ yajalil eb' soldado chi' icha tic: —Man̈ocn̈ej d'a vin̈ eyajalil yed' d'ayex ix in checjicot yuj vin̈ sreyal Asiria val jun tic, palta ix in checjicot ul val d'a masanil anima ayq'ue d'a yib'an̈tac smuroal chon̈ab' tic, ajun pax eb' ol ab'an syail eyed'oc, yujto ol e lo e tza', ol eyuc'anpax e chul, xchi vin̈.

Is 37:4

Comonoc val ix yab' Jehová co Diosal, juntzan̈ lolonel ix yal jun vin̈ yajalil eb' soldado ix scheccot vin̈ sreyal Asiria chi', yic tzul b'uchvaj vin̈ d'a co Diosal pitzann̈ej. Comonoc val sjavi yaelal d'a yib'an̈ vin̈ yuj Jehová co Diosal, yuj tas ix yal vin̈ chi'. A ticnaic lesalvan̈ cuj a on̈ ixto on̈ can tic, xchi eb' checab' chi'.