Is 10:29 - Chuj San Mateo Bible

²⁹ Ix c'axpajec' eb' d'a jun nivan ch'olan, ix sb'oanq'ue scampamento eb' d'a Geba. Axo eb' aj Ramá, ix xivcan eb'. A eb' aj Gabaa schon̈ab' vin̈aj Saúl, van sb'at eb' elelal.

Chuj San Sebastian Bible

²⁹ Sc'axptan 'e't eb' jun niwn ch'olan, ax yic xjaw eb' 'a Gabaa, ata sb'o chan̈ eb' scamplamento. Ax eb' 'aj Ramá, 'ix xiw chan̈ eb' yuj eb'. Yet' eb' 'aj Gabaa 'a schon̈b' can win Saúl, 'ix laj 'at eb' 'eloc.

Is 10:29 Referans Kwoze

A Ch'an̈ B'ab'el Libro Samuel 13:23

Axo jun macan̈ eb' soldado eb' filisteo, macb'il b'aj lod'an yuj eb', aton b'aj tz'ec' sb'eal Micmas.

A Ch'an̈ B'ab'el Libro Samuel 7:17

Slajvi chi', smeltzaj vin̈ d'a Ramá, b'aj cajantaxoni. Ata' sch'olb'itejpax eb' yetchon̈ab' vin̈. Ix sb'oanq'ue jun altar yic Jehová vin̈ ta'.

A Ch'an̈ B'ab'el Libro Samuel 11:4

Ayic ix c'och eb' checab' chi' d'a Gabaa schon̈ab' vin̈aj Saúl, ix yalan schecnab'il eb' d'a eb' anima ta'. Axo masanil eb' anima, ix laj oc'q'ue eb'.

Os 10:9

Ix yalan Jehová icha tic: A ex israel ex tic, ix e chael yich e c'ulan chucal d'a Gabaa, an̈eja' icha chi' tze c'ulej ticnaic. Yuj chi' ol ex satel yuj oval d'a Gabaa chi'.

Os 9:9

Ix ex ixtaxel d'a juneln̈ej, icha ix uji d'a chon̈ab' Gabaa. Palta axo Jehová ol snacot e chucal chi', ol ac'chajoch yaelal d'a eyib'an̈ yuj e mul chi'.

Os 5:8

Puchajocab' noc' ch'aac yic oval d'a Gabaa, puchajocab'pax q'uen trompeta d'a Ramá. Avajan̈ec d'a Bet-avén. Ayocab' xivc'olal d'a scal eb' anima yic Benjamín.

Jeremías 31:15

Syalanxi Jehová chi' icha tic: Tz'ab'chaj val yoch av d'a chon̈ab' Ramá, ay mach sic'sic'an val yoc' yuj yaelal. A ix Raquel tz'oc' val ix yuj eb' yune'. Man̈xa sgana ix snivanaj sc'ool, yujto man̈xalaj eb' yune' ix ix cani.

A Ch'an̈ B'ab'el Libro Yic Yab'ixal Eb' Rey 15:23

A jantacto yab'ixal vin̈aj Asa, juntzan̈ oval ix yac' ganar vin̈, masanil tas ix sc'ulej vin̈ yed' juntzan̈ chon̈ab' ix sb'oq'ue vin̈, tz'ib'ab'ilcan b'aj aycan yab'ixal eb' vin̈ sreyal Judá. Axo yic ichamxo vin̈, ix och jun yab'il d'a yoc vin̈.

A Ch'an̈ B'ab'el Libro Samuel 15:34

Ix lajvi chi' ix meltzaj vin̈ d'a Ramá, ix meltzajpax vin̈aj Saúl d'a spat d'a Gabaa.

A Ch'an̈ B'ab'el Libro Samuel 14:4

A vin̈aj Jonatán chi', ayoch d'a spensar vin̈ sc'axpajec' d'a scampamento eb' filisteo chi'. Ay jun q'uen tenam scuch Boses d'a yichan̈ Micmas d'a stojolal norte, axo junxo q'ueen scuch Sene ay d'a yichan̈ Gabaa d'a stojolal sur. Ay jun nivan ch'olan d'a scal q'uen schab'il.

A Ch'an̈ B'ab'el Libro Samuel 13:16

Ajun pax vin̈aj Jonatán vin̈ yuninal vin̈ yed'nac yed' eb' soldado. A d'a Gabaa chi' ix can eb', axo pax eb' filisteo, a d'a Micmas ay scampamento eb'.

A Ch'an̈ B'ab'el Libro Samuel 13:2

ix sic'anel oxe' mil soldado vin̈ d'a scal eb' israel. Chab' mil ix can yed' vin̈ d'a Micmas d'a tzalquixtac d'a slac'anil Betel. Axo junxo mil eb' ix can yed' vin̈aj Jonatán yuninal vin̈ d'a Gabaa d'a yol yic eb' yin̈tilal Benjamín. Axo juntzan̈xo eb' ix cani, ix checji pax eb' yuj vin̈ d'a spat.

A Ch'an̈ B'ab'el Libro Samuel 10:26

Ichapax chi' vin̈aj Saúl, ix pax vin̈ d'a spat d'a Gabaa. Ay pax juntzan̈ eb' vin̈ vinac te jelan d'a oval ix b'at yed' vin̈, yujto ix lolon Dios d'a spensar eb' yic sb'at eb' yed' vin̈.

A Ch'an̈ B'ab'el Libro Samuel 14:2

Axo vin̈aj Saúl chi', a d'a slac'anil Gabaa ay scampamento vin̈, d'a yich jun te' granado b'aj stec'ji ixim trigo, 600 eb' soldado ajun yed' vin̈.