Gn 45:3 - Chuj San Mateo Bible

³ Ix yalan vin̈aj José chi' d'a eb' vin̈ yuc'tac chi' icha tic: —A in ton tic José in, cuc'tac co b'a. ¿Yel am val to pitzanto vin̈ co mam chi'? xchi vin̈. Ix te xiv chaan̈ eb' yuc'tac vin̈ chi' d'a yichan̈. Majxo yal-laj slolon eb' vin̈ yuj xivelal.

Chuj San Sebastian Bible

³ Xyaln José 'a eb' yu'tac chi 'ixtic: —An ton tic José 'in. ¿Yelm wali pitzn to qui mamc cha? xchi winac. Caw xiw chan̈ eb' yu'tac chi 'a yojltac; man̈xtzac stac' xon spacn ewin 'a win yuj xiwlal.

Gn 45:3 Referans Kwoze

A Tas Sc'ulejnac Eb' Schecab' Jesús Hechos 7:13

Axo schecjixib'at eb' d'a schaelal, ato ta' yal vin̈aj José chi' d'a eb' to yuc'tac sb'a vin̈ yed' eb'. Icha chi' aj yojtacanel vin̈aj Faraón chi' mach eb' yetchon̈ab' vin̈aj José chi'.

A Tas Sc'ulejnac Eb' Schecab' Jesús Hechos 9:5

—Mamin, ¿mach ach? xchi vin̈. —A in ton tic Jesús in. A in val tzin ixtej.

Zacarías 12:10

Ol vac' Vespíritu d'a eb' yin̈tilal vin̈aj David yed' d'a juntzan̈xo eb' cajan d'a Jerusalén, yic tz'oc' sc'ol eb', stevipax eb' d'ayin. Ayic ol in yilan eb' ix in tecani, ol oc'q'ue eb' icha yoc' junoc anima yuj schamel jun c'otan̈ yuninal, ma yuj sb'ab'el yuninal.

Apoc 1:7

A Cristo toxo ol javoc d'a scal asun. Masanil eb' anima ol ilan sjavi. Yed' pax eb' tecjinacchamoc, ol yil eb' sjavi. Axo eb' anima d'a junjun chon̈ab' d'a yolyib'an̈q'uinal tic, ayic ol yilan eb', ol laj oc' eb'. Val yel icha chi' ol ajoc. Amén.

Lc 5:8

Axo ix yilan jun chi' vin̈aj Simón Pedro chi', ix em cuman vin̈ d'a yichan̈ Jesús, ix yalan vin̈ d'ay: —Mamin, ma max ach el d'a in tz'ey, yujto a in tic, te chuc in, xchi vin̈.

Mr 6:50

Ix yil eb' smasanil, yuj chi' ix te xivq'ue eb'. Palta ix yalan Jesús d'a eb': —Tec'b'ejec e b'a. A in. Man̈ ex xivoc, xchi d'a eb'.

Job 23:15

Yuj val chi' tzin te xiv d'ay. An̈ej tzin naancoti tzin te xivq'uei.

Job 4:5

axo yic ix ja yaelal d'a ib'an̈ tic, man̈xa jab'oc a tec'anil.

Gn 37:20

Co mileccham vin̈, ol co julancanb'at vin̈ d'a yol junoc jul, ol calani to a am junoc noc' noc' chium anima ix chianb'at vin̈. Ol quilan b'ian tas ol aj yelc'och juntzan̈ svayich vin̈ chi', xchi eb' vin̈.

Gn 42:21

Ix yalan eb' vin̈ d'ay junjun icha tic: —A yuj tas cutejnac vin̈ cuc'tac, yuj chi' sja jun yaelal tic d'a quib'an̈. Val yel te chuc cutejnac co b'a d'a vin̈, man̈ co chanacoc cab'i ayic stevinac vin̈ d'ayon̈ to tz'oc' co c'ol d'a vin̈, vach'chom quilnac to te cusnac vin̈, xchi eb' vin̈.

Gn 42:22

Ix yalanpax vin̈aj Rubén d'a eb' vin̈ yuc'tac chi' icha tic: —Valnac d'ayex to max eyutej e b'a d'a vin̈ icha chi', palta man̈ e chanacoc eyab'i tas valnac chi'. A ticnaic, tic val scot d'a quib'an̈ yuj schamel vin̈, xchi vin̈.

Gn 43:27

Ix lajvi chi' ix sc'anb'an vin̈ d'a eb' vin̈ tato vach'n̈ej sc'ol eb' vin̈, ix yalan vin̈: —¿Janic' sc'ol vin̈ e mam, vin̈ te ichamxo ix eyal d'ayin? ¿Pitzan tom vin̈? xchi vin̈ d'a eb' vin̈.