Gn 44:8 - Chuj San Mateo Bible

⁸ Ina ato d'a Canaán cajan on̈. D'a sb'ab'el, a q'uen tumin ix checlaj d'a sti' co coxtal, ix quic'xicot q'ueen. ¿Tom ato val junoc plata ma oro yic vin̈ a patrón chi' ol quelq'uejcot d'a spat?

Chuj San Sebastian Bible

⁸ 'Ilt nab'an, at 'a Canaán cajn on̈ on̈, ax yic on̈ cotx wul qui manx 'ixm trigo tic on̈, xqui'n paxt q'uen tumn 'ay 'ejm 'a yol sti qui coxtl on̈; ¿tom at wal jun oro mto plata yic win a patron̈ chi tzquel'j cot 'a yatut?

Gn 44:8 Referans Kwoze

Ro 13:9

Ay juntzan̈ checnab'il tz'alan icha tic: Man̈ ex em ajmulal. Man̈ e milcham junoc eyetanimail. Man̈ eyelq'uej junoc tasi. Man̈ eyiloch e c'ool d'a junocxo tas, xchi. A juntzan̈ checnab'il tic yed' juntzan̈xo, junxon̈ej checnab'il b'aj syiq'uelc'och sb'a, aton jun tz'alan icha tic: Icha eya'ilan e b'a, ichaocab' chi' tzeyutej e xajanan eb' ay d'a spatic schiquin e pat, xchi.

Mt 19:18

—¿Tastac juntzan̈ checnab'il tzin c'anab'ajej chi'? xchi vin̈ d'ay. —Man̈ e milcham eyetanimail. Man̈ ex em ajmulal. Man̈ ex elc'anoc. Man̈ e naq'ue lolonel d'a spatic eb' eyetanimail.

Dt 5:19

Man̈ ex elc'anoc.

Ex 20:15

Man̈ ex elc'anoc.

Gn 44:7

Ix tac'vi eb' vin̈ d'a vin̈: —Mamin, ¿tas yuj icha chi' tzutej alan d'ayon̈? ¿Tom malaj co pensar, yuj chi' ol quelq'uejcot junoc tasi?

Gn 43:12

Iq'uecb'at e tumin yic tze manan ixim trigo chi', tzeyic'anxib'at q'uen tumin ix yac' meltzaj eb' vin̈ d'ayex d'a sti' e coxtal chi', tecan ton̈ej ix sat sc'ol eb' vin̈, yuj chi' ayem q'ueen.

Gn 42:35

Axo ix sjacan scoxtal eb' vin̈ chi', ix yilan eb' vin̈ to ayem junjun yunetac mucuc tumin yol sti' coxtal chi', aton q'uen tumin chi' ix yac'lab'ej eb' vin̈ smanan ixim trigo. Ix ac'chajxi meltzaj q'ueen. Ix te xiv chaan̈ eb' vin̈, ix te xivpax vin̈ smam eb' vin̈ chi.

Gn 42:27

Axo ix c'och eb' vin̈ b'aj ol vayoc, ix sjacan scoxtal junoc eb' vin̈ yic syic'anq'ueta chab'oc strigo noc' sb'uru vin̈ chi' yalani. Axo ix yilan vin̈ to ayem q'uen tumin d'a yol sti' scoxtal, q'uen ix yac'lab'ej eb' vin̈ smanan ixim strigo chi'.

Gn 42:21

Ix yalan eb' vin̈ d'ay junjun icha tic: —A yuj tas cutejnac vin̈ cuc'tac, yuj chi' sja jun yaelal tic d'a quib'an̈. Val yel te chuc cutejnac co b'a d'a vin̈, man̈ co chanacoc cab'i ayic stevinac vin̈ d'ayon̈ to tz'oc' co c'ol d'a vin̈, vach'chom quilnac to te cusnac vin̈, xchi eb' vin̈.

Gn 43:18

Ix te xiv chaan̈ eb' vin̈ yujto ix ic'chajb'at eb' vin̈ d'a spat vin̈, ix yal-lan yab' eb' vin̈ icha tic: —Chuc tas sna vin̈ d'a quib'an̈. Tecan yuj q'uen tumin ix yac' meltzaj eb' vin̈ d'ayon̈, yuj chi' tzon̈ ic'chajcot d'a tic. Tecan ol on̈ yac'och vin̈ schecab'oc yed' noc' co chej tic, xchi eb' vin̈.