Gn 44:10 - Chuj San Mateo Bible

¹⁰ Ix tac'vi vin̈ icha tic: —Yic'ocab' icha tzeyal chi', palta an̈ej vin̈ b'aj ol ilchajelta jun copa chi' vuuj, a vin̈ chi' ol ochcan in checab'oc. A exxo tic, e masanil libre ex, xchi vin̈.

Chuj San Sebastian Bible

¹⁰ Yuj cha, 'ix yaln win mayltoma chi 'ixtic: —B'o cab' 'icha tzeyal cha, cojn win 'aj tz'ilchj q'uet jun vaso chi wu'uj, a win tz'ochcn in checb'oc; ax xo e masnil libre ex, xchi winac.

Gn 44:10 Referans Kwoze

Gn 44:33

Yuj val chi' tzin tevi d'ayach, tato syala', a in tzin can sq'uexuloc vin̈ vuc'tac tic a checab'oc. Yuj chi' tzactejel vin̈, spax vin̈ yed' eb' vin̈ vuc'tac tic.

Gn 44:17

Ix yalanxi vin̈aj José chi' icha tic: —Maay, an̈ej vin̈ b'aj ix ilchajelta q'uen in copa chi', an̈ej vin̈ scan in checab'oc. A exxo tic, meltzajan̈ec d'a junc'olal b'aj ay vin̈ e mam, xchi vin̈.

Gn 44:9

A junoc on̈ b'aj scheclajelta q'uen copa chi' d'a yol scoxtal, vach' tato smiljichamoc, a on̈xo co masanil, tzon̈ ochcan a checab'oc, xchi eb' vin̈.

Gn 44:11

D'a elan̈chamel ix yaq'uem scoxtal eb' vin̈ chi' smasanil, ix stijan sti' eb' vin̈.