Gn 40:12 - Chuj San Mateo Bible

¹² Ix yalan vin̈aj José d'a vin̈ icha tic: —Ichaton tic syalelc'och a vayich chi': A oxe' sc'ab' te' uva ix il chi', oxe' c'ual syala'.

Chuj San Sebastian Bible

¹² Xyaln José 'a win 'ixtic: —'Ixtc tzyal 'el'ch a waych tic: A 'oxe sc'ab' uva xel cha, 'oxe c'u tzyala.

Gn 40:12 Referans Kwoze

Jueces 7:14

Ix tac'vi junxo vin̈ chi' icha tic: —A jun ixim pan chi' syalelc'ochi to a vin̈aj Gedeón yuninal vin̈aj Joás yed' eb' soldado israel ol on̈ ac'an ganar. Yujto a Dios ol on̈ ac'anoch co masanil d'a yol sc'ab' eb', xchi vin̈.

Gn 41:12

Ata' ayec' jun vin̈ quelem hebreo, schecab'ejnac vin̈ yajal eb' vin̈ tzach tan̈van chi'. Ix calan co vayich chi' d'a vin̈. Te vach' ix yutej vin̈ yalan tas syalelc'och co vayich chi'.

Gn 40:18

Ix yalanxi vin̈aj José d'a vin̈ icha tic: —A tas syalelc'och a vayich chi', aton tic: A oxe' mooch chi' sch'oxcot oxe' c'ual.

Gl 4:25

A ix Agar chi', a jun tzalan Sinaí ay d'a yol yic Arabia sch'oxcot ix. A chon̈ab' Jerusalén ayec' ticnaic, yicto tzalan Sinaí chi', yujto a eb' yic jun chon̈ab' chi', ayoch eb' d'a yalan̈ smandar jun ley chi'.

1 Co 10:4

An̈ejtona', masanil eb' uc'annac pax jun a a' yac'naccot Dios, aton jun a' elnaccot d'a sat jun q'uen tenam. A jun q'uen tenam chi', sch'oxnab'il Cristo yaj q'ueen.

Mt 26:26

Ayic van sva yed' eb' sc'ayb'um chi', ix yic'anchaan̈ ixim pan. Ix yac'an yuj diosal yuj ixim. Ix lajvin̈ej chi', ix xepanb'at ixim, ix yac'an d'a eb' sc'ayb'um. —Vaan̈ec. Aton in nivanil tic, xchi d'a eb'.

Gn 40:11

A ix vilani to yamb'ilq'ue scopa vin̈ rey vuuj, ix vic'ancot sat te' uva chi', ix in pitz'anem yal d'a yol scopa vin̈ rey chi', ix vac'anoch d'a yol sc'ab' vin̈, xchi vin̈.

Gn 40:13

Ayic chab'ej ticnaic ol sb'eyc'olej a mul vin̈ rey chi'. Ol lajvoc chi' ol ach yac'anxioch vin̈ d'a a munlajel, ol ac'xi scopa vin̈ chi' icha d'a yalan̈taxo.

Dn 4:18

Aton in vayich ix vil tic. A ticnaic ach Beltsasar, al d'ayin tas syalelc'ochi, yujto malaj val junocxo eb' ay tas syal yuuj d'a yol in macb'en tic snachajel yuuj. Palta a ach tic ol yal snachajel uuj, yujto ayoch sjelanil juntzan̈ dios d'ayach, xin chi.

Gn 41:28

A tas ix val d'ayach tic, ichaton chi' syalelc'och a vayich chi'. A Dios ix ac'an a vayichej tas nab'ilxo yuuj.