Gn 34:21 - Chuj San Mateo Bible

²¹ —A juntzan̈ vinac tic vach' spensar eb', ol cajnaj eb' d'a co cal tic, ol yac'anoch schon̈ eb' d'a co chon̈ab' tic. Te ay lum luum b'aj vach' yaj eb' vin̈. Syal quic'an co b'a yed' eb' ix yisil eb' vin̈, syalpax yic'an sb'a eb' vin̈ yed' eb' ix quico'.

Chuj San Sebastian Bible

²¹ —A jun tzo'n̈ winc tic, caw wach' snab'en eb', yuj cha, 'oj can cajn eb' 'a qui calc tic, ax ya'n pax 'och eb' xchon̈ 'a qui chon̈b'ec tic. Caw wal niwquil lum lum 'aj tztac' yaj ewinac, tztac' qui'n qui b'a yet' eb' 'ix yisl ewinac, tztac' yi'n pax sb'a ewin yet' eb' 'ix quislec.

Gn 34:21 Referans Kwoze

Gn 34:20

D'a elan̈chamel ix b'at vin̈ yed' vin̈ smam chi' d'a spuertail chon̈ab' b'aj smolb'ej sb'a eb' anima, ix och ijan eb' yalan icha tic d'a eb' vin̈ vinac:

Gn 34:22

An̈ej to snib'ej eb' vin̈ to co masanil a on̈ vinac on̈ tic, sco cha jun circuncisión icha yaj eb' vin̈, icha chi' junn̈ej chon̈ab'il tzon̈ aj yed' eb' vin̈.

Gn 34:10

Cajnajan̈ec d'a co cal tic, colan tzex aj d'a sat co luum tic, aq'uecoch e chon̈, manec e luum, xchi vin̈aj Hamor chi'.

Gn 42:34

Slajvi chi', tzeyic'ancot junxo vin̈ eyuc'tac tzac'an unin chi' vil d'a tic. Ichato chi' ol vojtacaneli to man̈ chucoc e pensar syal chi'. Masanto sjavi junxo vin̈ eyuc'tac tzac'an unin chi', ol in jacanelta vin̈ eyuc'tac ix can d'a preso tic, yic icha chi' libre ex e b'eyeq'ui, xchi vin̈, xchi eb' vin̈.