Gn 34:12 - Chuj San Mateo Bible

¹² Vach'chom nivan tas svac' d'a yib'an̈ tas syac'taxon eb' anima yed' pax tzijtumoc silab' syal vac'ani, palta malaj tz'ochi, an̈ej tato scha e c'ool svic' in b'a yed' ix, xchi vin̈aj Siquem chi'.

Chuj San Sebastian Bible

¹² May yel'chi toxn̈ej chan̈ stojl 'unx 'icha sb'eyb'al eb' 'anma 'a tic, niwn pax siylab' tztac' wa'n 'ayex, cojn toto tzchaj e c'ojl tzwij in b'a yet' 'unix, xchi winac.

Gn 34:12 Referans Kwoze

Mt 14:17

—Palta oye'n̈ej ixim pan qued'nac yed' cha pitan̈ noc' chay, xchi eb' d'ay.

A Ch'an̈ Schab'l Libro Samuel 3:14

Ix schecanpaxb'at eb' schecab' vin̈aj David chi' d'a vin̈aj Is-boset, ix yalan vin̈ icha tic: Ac'cot ix Mical, ix vetb'eyum, aton ix vic'nac yic vac'annac jun ciento sjolom svinaquil eb' vin̈ filisteo yuj stojoloc ix d'a vin̈ smam, xchib'at vin̈.

Gn 31:41

20 ab'il ix in ec' ed'oc, palta ix vac'n̈ej techajoc. 14 ab'il ix in caj eb' ix isil tic, axo vaquexo ab'il jun, ix in munlaj yuj noc' a molb'etz, aton noc' ix ac' in tojoloc. Cotac scal ix in a q'uexan̈ tiej yuj in tojol.

Gn 29:18

Axo vin̈aj Jacob chi', ix can sgana vin̈ d'a ix Raquel chi', yuj chi' ix yal vin̈ icha tic: —Tzin can uqueoc ab'il in caj ix Raquel, ix chab'il isil tic, xchi vin̈.

Gn 24:53

Elan̈chamel ix yic'q'ueta jantac silab' vin̈, aton q'uen oro, q'uen plata yed' pichul, ix yac'an vin̈ d'a ix Rebeca yed' d'a vin̈ snulej ix yed' pax d'a ix snun ix.

Os 3:2

Yuj chi', ix in mananxi ix d'a 15 siclo q'uen plata yed' chan̈e' quintal ixim cebada yic tz'ochxi ix vetb'eyumoc.

Gn 34:11

Ix yalanpax vin̈aj Siquem chi' d'a vin̈ smam ix Dina chi' yed' d'a eb' vin̈ snulej ix: —Yaln̈ej tas tze c'an d'ayin ol vac' d'ayex.

Gn 34:13

Yujto toxo ix yixtej ix yanab' eb' vin̈ chi' vin̈, ix tac'vi eb' vin̈ d'a chab'satil d'a vin̈ yed' d'a smam vin̈ chi'.

A Ch'an̈ B'ab'el Libro Samuel 18:23

Ix b'at eb' vin̈ ay yopisio chi' yal juntzan̈ chi' d'a vin̈aj David chi', ix tac'vi vin̈ d'a eb' icha tic: —Am e naani to secojtac voch sn̈i'oc vin̈ rey chi', ina to meb'a' in, malaj jab'oc velc'ochi, xchi vin̈.

Ex 22:15

Palta tato q'uelanoch vin̈ yajal noc' chi' scham noc', max stuplaj noc' vin̈ smajnan noc' chi', yujto strato eb' yaji, an̈ej smajananub'al noc' syac' vin̈.