Gn 30:14 - Chuj San Mateo Bible

¹⁴ Ay jun c'u ix b'at vin̈aj Rubén b'eyelec' d'a caltac te', ayic van sjochchaj ixim trigo. Ata' ix ilchaj juntzan̈ sat an̈c'ultac yuj vin̈ to sloji, mandrágora sb'i. Ix yic'anb'at an̈ vin̈ d'a ix Lea, aton ix snun vin̈. Axo yic ix yilan an̈ ix Raquel chi', ix yalan ix d'a ix Lea icha tic: —Tzin tevi d'ayach to tzac' junoc an̈ mandrágora ix yic'cot vin̈ une' chi' d'ayin, xchi ix.

Chuj San Sebastian Bible

¹⁴ 'Ay jun c'ual, 'ix xit'c win Rubén b'eyc'oc 'a scalcte', yic stiempoal spolx 'ixm trigo; ata x'ilchj jun tzo'n̈ te te tzlox sat yuj winac, mandrágoras sb'i te'. Xyi'n 'at win te 'a 'ix snun cha; ax yic xyiln 'ix Raquel sat te te cha, xyaln 'a 'ix Lea 'ixtic: Tzin tew wal 'ayach, 'ac' junc te mandrágoras chi 'ayin, te xyij cot ni one cha, xchi 'ix.

Gn 30:14 Referans Kwoze

Cantares 7:13

Ayxo sjab' an̈ mandrágora. A d'a sti' co pat, ayxo sat masanil tas avab'il vach' sloji, ay sat taquin̈xo yed' sat toto smolji. Ch'oc val ix vic'canel ic ach xajanab'il vuuj, xchi ix.

Gn 25:30

Ix yalan vin̈ d'a vin̈aj Jacob chi': Ac' val jab'oc jun a vael chac yilji tic d'ayin, yujto tzin cham yuj vejel, xchi vin̈. (Yuj chi' Edom ix ac'ji sb'iej vin̈.)

Gn 30:15

Ix yalan ix Lea chi' icha tic d'a ix: —¿Tom man̈ c'ocb'iloc ix iq'uec' vin̈ vetb'eyum, axo ticnaic, snib'ej a c'ol tza c'anec' an̈ mandrágora ix yic'cot vin̈ vune' tic? xchi ix. —Ac' an̈ d'ayin, tato icha chi' syal svay vin̈aj Jacob ed'oc d'a jun ac'val tic, xchi ix Raquel chi'.

Gn 30:16

Axo yic van sq'uic'b'i ix jax vin̈aj Jacob d'a smunlajel, ix b'at ix Lea schacot vin̈, ix yalan ix d'a vin̈ icha tic: —A ticnaic ol ach vay ved'oc, d'a val yel ix vac' an̈ mandrágora ix yic'cot vin̈ vune' d'a ix in nulej ix Raquel a tojoloc, xchi ix. Yuj chi' ix vay vin̈aj Jacob chi' yed' ix d'a jun ac'val chi'.