Gn 28:6 - Chuj San Mateo Bible

⁶ Axo ix yab'an vin̈aj Esaú to ix yal vach' lolonel vin̈aj Isaac d'a yib'an̈ vin̈aj Jacob, ix schecanpaxb'at vin̈ d'a Padán-aram yic tz'och ix yetb'eyum vin̈ ta'. Ix yab'an vin̈ to ayic ix yalan vach' lolonel vin̈aj Isaac chi' d'a vin̈, ix yalan vin̈ to max yal yic'lan sb'a vin̈ yed' eb' ix aj Canaán chi'.

Chuj San Sebastian Bible

⁶ Ax yic xyiln win Esaú to wan yaln Isaac wach' paxti 'a yib'n̈ Jacob, schecn can 'at 'a Padan-aram, sec ata tz'och yistzil ta'. An̈jtona', 'ix yil paxi to a smam, a yic xyaln can swach' paxti cha, xya'n yojcoc can 'eli to matz tac' yi'n sb'a Jacob yet' eb' 'ix 'ix 'a Canaán cha.

Gn 28:6 Referans Kwoze

Gn 28:1

Yuj chi' ix avtajcot vin̈aj Jacob yuj vin̈aj Isaac chi', ix och ijan vin̈ yalancan vach' lolonel d'a yib'an̈ vin̈, ix yalancan jun checnab'il vin̈ d'a vin̈ icha tic: Malaj b'aq'uin̈ ol ic' junoc ix etb'eyum d'a scal eb' ix aj Canaán tic.

Gn 27:33

Ix te sat sc'ol vin̈aj Isaac chi', ix och ijan vin̈ slucloni, ix yalan vin̈ icha tic: —¿Mach pax jun vin̈ ix b'at ic'ancot noc' d'a sb'ab'elal jun, ix yic'ancot jun vael chi' d'ayin? Toxo ix in va'i, ayic manto ach ja ach tic, yuj chi' toxo ix valcan in vach' lolonel d'a yib'an̈ vin̈ chi'. Toxonton a vin̈ ol chaan in vach'c'olal chi', xchi vin̈.

Gn 25:20

40 ab'il sq'uinal vin̈aj Isaac chi' ayic ix yic'lan sb'a vin̈ yed' ix Rebeca yisil vin̈aj Betuel, yanab' vin̈aj Labán arameo, aton vin̈ cajan d'a Padán-aram.

Gn 28:7

Ix sc'anab'ajej vin̈aj Jacob sb'atcan d'a Padán-aram icha ix aj yalan vin̈ smam yed' ix snun.