Gn 27:13 - Chuj San Mateo Bible

¹³ Ix tac'vi ix snun vin̈ chi' icha tic: —Maay ach vune', tato ay catab' syalcan vin̈, aocab' d'a vib'an̈ scotcani. A ticnaic, an̈ej to tza c'anab'ajej tas svala'. Ixic, ic'cot chavan̈oc noc' yunetac chiva chi', xchi ix.

Chuj San Sebastian Bible

¹³ Palta xyaln snun chi 'a 'ixtic: —May ach wune', toto tzach scatb'tzej cani, a cab' 'a wib'n̈ tzcotcn jun catb' cha, cojnto tza yiclj tas tzwala. 'At 'ij cot chawn̈oc no cotc chiwo cha, xchi 'ix.

Gn 27:13 Referans Kwoze

Mt 27:25

Yuj chi', ix laj yalan eb' smasanil d'a vin̈: —Ochocab'can schamel vin̈ chi' co muloc yed' d'a yib'an̈ eb' cuninal, xchi eb'.

A Ch'an̈ Schab'l Libro Samuel 14:9

Ix tac'vi ix d'a vin̈ icha tic: —Ach mamin rey, a smul vin̈ vune' chi', emocab' d'a vib'an̈ yed' d'a yib'an̈ masanil eb' in c'ab' voc, palta mocab' d'a ib'an̈ yed' d'a yib'an̈ a macb'en tz'emi, xchi ix.

A Ch'an̈ B'ab'el Libro Samuel 25:24

Elan̈chamel ix em n̈ojnaj ix d'a yichan̈ vin̈, ix yalan ix: —A chucal ix sc'ulej vin̈ vetb'eyum, cotocab' d'a vib'an̈. Tzin tevi d'ayach to tzin a cha lolon jab'oc, tzab'an tas ol vala'.

Gn 43:9

A in tzin tec'b'ej in b'a tato ay tas tz'ic'an vin̈, tato man̈xo ol ja vin̈ vuuj, te chuc ol in can d'a a sat.

Gn 27:8

Yuj chi' ach vune', c'anab'ajej val tas ol val tic.

Gn 25:33

—Ac'can a ti' d'ayin d'a jun rato tic, xchi vin̈aj Jacob chi'. —Inye, xchi vin̈aj Esaú chi'. Ix yac'an sti' vin̈ yic sch'oxaneli to syac'can sderecho vin̈ yic sb'ab'el vinaquil d'a vin̈aj Jacob chi'.

Gn 25:23

Ix tac'vi Jehová chi' d'a ix: Chab' chon̈ab'il ol aj yin̈tilal eb' chavan̈ ed'nac chi'. Yictax manto aljoc eb', ol och eb' ajc'olal d'ay junjun. Jun te ay yip, te tec'an d'a yichan̈ junxo. A vin̈ b'ab'el, ol can vin̈ d'a yalan̈ smandar vin̈ tzac'an, xchi d'a ix.

Gn 27:14

Ix b'at vin̈aj Jacob chi' yic'cot noc' yunetac chiva chi', ix yac'an noc' vin̈ d'a ix snun chi'. Vach' ix aj jun vael chi' yuj ix, icha val snib'ej vin̈aj Isaac chi'.

Gn 27:43

Yuj val chi', ab' val tas svala': Elan̈ d'a tic, tzach b'atcan d'a Harán, tzach aj yed' vin̈aj Labán vin̈ in nulej.

2 Cr 22:3

A vin̈aj rey Ocozías chi', a sb'eyb'al vin̈aj Acab yed' yin̈tilal ix sb'eyb'alej vin̈. A ix snun vin̈ chi' ix cuchb'an d'a chucal b'eyb'al chi', yujto yisil ix vin̈aj Acab chi', yuj chi' te chuc tas ix sc'ulej vin̈ d'a yichan̈ Jehová. Ayic toxo ix cham vin̈ smam vin̈ chi', a eb' sc'ab' yoc vin̈ chi' ix cuchb'an d'a chucal, yuj chi' ix juviel spensar vin̈ d'a juneln̈ej.