Gn 24:24 - Chuj San Mateo Bible

²⁴ Ix yalan ix: —Yisil in vin̈aj Betuel, yuninal vin̈aj Nacor yed' ix Milca.

Chuj San Sebastian Bible

²⁴ 'Ix yaln 'ix 'a win 'ixtic: —Yisl in Betuel, ni yunnal can Nacor yet' 'ix Milca.

Gn 24:24 Referans Kwoze

Gn 24:15

Manto lajvilaj slesalvi vin̈, ix yilan vin̈ scot jun ix cob'es, ayq'ue sch'ub' ix d'a sjolom sjen̈jab', aton ix Rebeca yisil vin̈aj Betuel. A vin̈aj Betuel chi' yunecan vin̈ ix Milca yed' vin̈aj Nacor, vin̈ yuc'tac vin̈aj Abraham.

Gn 22:23

Aton vajxacvan̈ eb' vin̈ tic yune' ix Milca yed' vin̈aj Nacor chi'. A vin̈aj Betuel chi', aton vin̈ smam ix Rebeca.

Gn 22:20

Ayic ix ec' jun tiempo, ix yab'an specal vin̈aj Abraham chi' to ayxo yuninal vin̈ yuc'tac vin̈, aton vin̈aj Nacor yed' ix Milca.

Gn 11:29

Ix yic'lan sb'a vin̈aj Abram yed' ix Sarai. Axo vin̈aj Nacor ix yic'laj sb'a yed' ix Milca, yisil vin̈aj Harán, snulej sb'a ix yed' ix Isca.

Gn 24:23

Ix yalan vin̈: —Tzin tevi d'ayach to tzal d'ayin mach ayach yico', talaj colan tzon̈ vaycan d'a spat vin̈ a mam chi' d'a jun ac'val tic, xchi vin̈ d'a ix.

Gn 24:25

A d'a co pat colan tzex vayi. Ay pax tas ol sva noc' a camello tic, xchi ix.

Gn 24:47

Ix in c'anb'an d'a ix: ¿Mach ayach yisil? xin chi d'a ix. Ix yalan ix d'ayin: Yisil in vin̈aj Betuel, yuninal vin̈aj Nacor yed' ix Milca, xchi ix. Ix vac'anoch jun q'uen icha uchiquin d'a sn̈i' ix, ix vac'anpaxoch junjun q'uen brazalete d'a junjun sc'ab' ix.

Gn 29:5

—¿Eyojtac am vin̈aj Labán yixchiquin vin̈aj Nacor? xchi vin̈. —Cojtacton vin̈, xchi eb'.