Gn 24:11 - Chuj San Mateo Bible

¹¹ Ayic ix c'och vin̈ checab' d'a stiel chon̈ab' chi', yic vanxo sq'uic'b'i, ix yic' yip vin̈ yed' noc' camello d'a sti' jun a' uc'b'ila'. A d'a jun hora chi' tz'ec' eb' ix cob'estac yic' yaal.

Chuj San Sebastian Bible

¹¹ Wan xo sq'uic'b'i yic xc'och win checb' chi 'a sti 'el chon̈ab', 'a yorail yic tz'elt eb' 'ix 'ix 'ij 'at a'. 'Ix 'ilj win checb' chi yet' no cameyo 'a sti jun a 'uc'b'il a 'a sti 'el chon̈b' cha.

Gn 24:11 Referans Kwoze

A Ch'an̈ B'ab'el Libro Samuel 9:11

Ayic van sq'ue eb' vin̈ d'a svitzal chon̈ab' chi', ix schalan sb'a eb' vin̈ yed' juntzan̈ eb' ix cob'estac van sb'at ic'oj a', ix sc'anb'an eb' vin̈ d'a eb' ix icha tic: —¿Ay am ec' vin̈ schecab' Dios syal yilan tas ol ujoc? xchi eb' vin̈.

Jn 4:7

Axo eb' sc'ayb'um, ix b'at eb' sman yic schimc'ualil d'a jun chon̈ab' ay d'a slac'anil a' chi'. Ayic toxo ix b'at eb', ix c'och jun ix ti'avum aj Samaria. Ix yalan Jesús d'a ix: —Ac' jab'oc a' tic vuq'uej, xchi d'a ix.

Ex 2:16

Ay jun vin̈ sacerdote scuchan Reuel cajan d'a jun lugar chi', ay ucvan̈ yisil vin̈. Ix xid'ec' eb' ix d'a a' uc'b'ila' chi', yic syac'an b'ud'joc te' jucub' eb' ix yic syuc' a' noc' scalnel vin̈ smam eb' ix chi'.

Pr 12:10

A eb' tojol spensar, sya'ilej noc' smolb'etzal noc' eb'. Axo pax eb' chuc spensar jun, syixtej noc' smolb'etzal noc' eb'.

Gn 24:42

Icha chi' jun, ix in ja d'a sti' a' uc'b'ila' chi' ticnaic, ix in lesalvi d'a Dios icha tic: Ach Jehová co Diosal yed' vin̈aj Abraham in patrón, tato yel ayach och ved'oc, tato vach' ol elc'och jun in checnab'il tic,

Gn 29:2

Ayic ix c'och vin̈ ta', ix yilanb'at jun a' uc'b'ila' vin̈. A d'a slac'anil a' chi', ayec' ox uman̈ noc' calnel, yujto a a' syuc' noc', ay jun nivan q'uen ayoch smaculoc sti' a'.

Ex 2:15

A ix yab'an specal jun chi' vin̈ rey, ix yac'anb'at sayumal vin̈aj Moisés chi' vin̈ yic smiljicham vin̈. Yuj chi' ix b'at vin̈aj Moisés chi' elelal d'a yol yic Madián. Ayic ix c'och vin̈ d'a sti' jun a' uc'b'ila', ix em c'ojan vin̈ ta'.

Jueces 5:11

A ex ayex ec' b'ajtac ay a uc'b'ila', najatocab' sb'at sjaj e son yed' e platillo yuj eyic'anchaan̈ Jehová, yujto toxo ix satjiel eb' cajc'ool yuuj, yujto ix colvajpax d'a eb' munlajvum ayic ix yac'an oval eb', ix yac'an ganar eb'. Ichato chi' ix yal co meltzaj emta a on̈ schon̈ab' on̈ Jehová d'a co chon̈ab'.