Gn 21:23 - Chuj San Mateo Bible

²³ Yuj chi' ac' a ti' d'ayin d'a yichan̈ Dios d'a jun lugar tic, to man̈ ol ac' chucal d'ayin, d'a eb' vuninal yed' pax d'a eb' vin̈tilal. Tzac'an a ti' to vach'n̈ej ol utej a b'a d'ayin, icha ix vutej in b'a d'ayach. Icha pax chi' ol utej a b'a d'a eb' anima cajan d'a jun chon̈ab' b'aj janac ach cajan tic, xchi vin̈.

Chuj San Sebastian Bible

²³ Yuj cha, 'ac' a ti 'ayn 'a sat Dios, sec wach' matz in extj yet' eb' wunnal, yet' eb' win̈tl 'a jun lugar tic. Tza'n pax a ti 'ayin, to wach' 'oj otc a nab'en 'ayin, 'icha ach wutej, 'ixta 'oj otc pax a nab'en 'a smasnil eb' 'anma 'a jun chon̈b' 'a 'aj cajn ach 'ec' tic, xchi winac.

Gn 21:23 Referans Kwoze

Josué 2:12

Yuj chi' tzin tevi d'ayex to tze loc sb'i Jehová e Diosal yic tzeyac'ancan e ti' d'ayin to tze nacot masanil eb' ayto vuj in b'a yed'oc, icha val tzex vutej tic. Yuj chi' aq'uec junoc seña, tato yel tzeyala'

Gn 20:14

Ix yac'anxi meltzaj ix Sara chi' vin̈ d'a vin̈aj Abraham chi'. Ix ac'jipax noc' calnel, noc' vacax, eb' vin̈ checab' yed' eb' ix checab' d'a vin̈ yuj vin̈ rey chi'.

A Ch'an̈ Carta D'a Eb' Hebreo 6:16

Ayic sco locan sb'i junoc mach, an̈ej junoc mach ec'al d'a quichan̈ sco loco'. Ayic scalan junoc tas te yel, sco loc sb'i junoc mach, yic man̈xa mach stelaj sb'a qued'oc.

2 Co 1:23

Malaj in gana tz'och e cusc'olal vuuj, yuj chi' majto in ec' d'ayex d'a Corinto chi'. Val yel svala', syil co Mam Dios yujto yojtac masanil tas ay d'a in pensar.

Jeremías 4:2

Aq'uec e ti' d'a vichan̈, tzeyac'an elc'och tas tzeyala'. Ichato chi' b'ian, ol in yic'anchaan̈ masanil nación, ol vac'an in vach'c'olal d'a eb', xchi.

A Ch'an̈ B'ab'el Libro Samuel 30:15

—¿Tzam in ic'b'at d'a juntzan̈ eb' vin̈ elc'um chi'? xchi vin̈aj David chi' d'a vin̈. Ix tac'vi vin̈: —Syal ach vic'anb'ati tato tzac' a ti' d'a yichan̈ Dios to max in a milchamoc, max in ac'paxoch d'a yol sc'ab' vin̈ in patrón chi', xchi vin̈.

A Ch'an̈ B'ab'el Libro Samuel 20:42

Ix lajvi chi', ix yalan vin̈aj Jonatán chi' d'a vin̈: —Ixic, junc'olal a b'ati yujto a co ti' ix cac' co chavan̈il, d'a yichan̈ Jehová ix cala'. Ix co c'an d'a Jehová chi' to ayn̈ejocab'och qued'oc co chavan̈il yed' eb' quin̈tilal yic tz'elcanc'och b'aj ix cac' co ti', yic vach'n̈ej pax cac'ani yed' eb' quin̈tilal, xchi vin̈. Ix lajvi chi', ix b'atcan vin̈aj David chi', axo vin̈aj Jonatán chi' ix meltzajcancot vin̈ d'a chon̈ab'.

A Ch'an̈ B'ab'el Libro Samuel 20:17

Yujto te xajan vin̈aj David chi' yuj vin̈aj Jonatán chi', yuj chi' ix yal vin̈ to svach' b'oejxican jun strato eb' vin̈ chi'.

A Ch'an̈ B'ab'el Libro Samuel 20:13

Tato chuc spensar vin̈ d'a a patic jun, aocab' Jehová ol ac'an in yaelal tato max val d'ayach yuj tas ol aj a colan a b'a. Axo ticnaic, colvajocab' Jehová ed'oc icha ix aj scolvaj yed' vin̈ in mam chi'.

Dt 6:13

Ayocab' yelc'och Jehová co Diosal d'a yol e sat. An̈ejocab' Jehová chi' tzeyac' servil, an̈ejocab' sb'i tze loco' ayic tzeyac'an e ti' e c'ulan junoc tas.

Gn 31:53

Aocab' sDiosal vin̈aj Abraham a mam icham yed' pax sdiosal vin̈aj Nacor in mam icham, aocab' tzon̈ ilan co chavan̈il, xchi vin̈aj Labán chi'. Ix lajvi chi' ix yac'an sti' vin̈aj Jacob chi' d'a sb'i Dios, aton Dios b'aj syaq'uem sb'a vin̈aj Isaac, vin̈ smam vin̈.

Gn 31:44

Yuj chi', cotan̈ co b'o junoc co trato ticnaic yic ch'oxnab'il tz'ajcan d'a co cal co chavan̈il, xchi vin̈aj Labán chi'.

Gn 26:28

Ix tac'vi eb' vin̈ d'a vin̈: —Toxo ix quila' to ayoch Jehová ed'oc, yuj chi' ix co na' to smoj sco b'o junoc co trato ed'oc. A jun trato ol co b'o chi', aton jun tic:

Gn 24:3

tzac'an a ti' d'a yichan̈ Jehová Dios yajal satchaan̈ yed' yolyib'an̈q'uinal tic, to man̈ ol a saylaj ix yetb'eyum vin̈ vuninal d'a scal eb' aj Canaán, b'aj cajan on̈ tic,

Gn 21:24

Ix tac'vi vin̈aj Abraham chi': —Svac' in ti'.

Gn 47:31

Ix yalanxi vin̈ to syac' sti' vin̈aj José chi' d'a Dios, ix yac'an sti' vin̈ chi'. Ix lajvi chi' ix em n̈ojan vin̈aj Israel chi' d'a sjolom sch'at, ix yac'an yuj diosal vin̈ d'a Dios.

Gn 39:3

Ix nachajel yuj vin̈ spatrón vin̈ chi' to ay val och Jehová yed' vin̈, vach'n̈ej tz'elc'och vin̈ d'a smasanil.