Gn 19:8 - Chuj San Mateo Bible

⁸ Ay chavan̈ eb' ix visil cob'estac, mantalaj vinac tz'ec' d'a spatic eb' ix, syal vic'anelta eb' ix d'ayex yic tze c'ulej icha e gana chi' yed' eb' ix. Palta a yed' eb' vin̈ tic, max yal-laj, yujto ton̈ej ix jacan eb' vin̈ d'a in pat tic, xchi vin̈ d'a eb' vin̈.

Chuj San Sebastian Bible

⁸ 'Ay chawn̈ eb' 'ix wisl caw cob'es, mant 'a winc tzc'umj eb' 'ix, tztac' wi'n 'elt eb' 'ix 'ayex, yic wach' tze b'o tas tze nib'j 'a eb' 'ix. Ax 'a ewin tic, may cab' tas tu tze b'o 'a ewinac, ton̈j 'ayl ewin wul in sc'umoc, yuj cha, yowlal tzin col eb', xchi 'a ewinac.

Gn 19:8 Referans Kwoze

Jueces 19:24

Ina jun ix visil cob'esto yed' pax jun ix ix yed'nac jun vin̈ vinac tic. A eb' ix tic, syal vac'anel eb' ix d'ayex yic tze c'ulan tas e gana chi' d'a eb' ix, palta man̈ e c'ulej chucal chi' d'a jun vin̈ tic, xchi vin̈.

Ro 3:8

Q'uinaloc tato icha chi' yaji, ste ochxopax co mul, yic vach' scheclajeli to an̈ej Dios vach'. Ay eb' nivanoc tz'alan d'a in patic to sval icha chi'. A eb' tz'alan juntzan̈ chi', smoj ton tz'ac'jib'at eb' d'a syaelal.

Mr 9:6

Man̈ yojtacoc vin̈aj Pedro chi' tas syala' yujto te xivnac eb' sc'ayb'um chi'.

Is 58:7

A eb' anima scham yuj vejel, aq'uec svael eb'. Axo eb' malaj spat, aq'uec sposado eb' d'a e pat. A eb' malaj spichul, aq'uecoch spichul eb', man̈ eyactej eyac'an snivanil sc'ol eb' eyetchon̈ab'.

Jueces 9:15

Ix ab' yalan te' q'uiix chi' to syal yoch te' yajaliloc te te' chi' smasanil. Ix ab' yalan te': Tato yel d'a smasanil e c'ol tzin eyac'och eyajaliloc, ochan̈ec d'a yalan̈ ven̈ul tic e masanil. Tato max yal e c'ol tzin och eyajaliloc jun, elocab'cot jun nivan c'ac' d'ayin yic stz'acanb'at te' c'ute' d'a Líbano, xchab' te' q'uiix chi'.

Ex 32:22

Ix yalan vin̈aj Aarón chi': —Mamin, mocab' cot oval d'ayin, ojtac val sic'lab'il to a jun chon̈ab' tic, sganan̈ej eb' sc'ulan chucal.

Gn 42:37

Ix yalan vin̈aj Rubén d'a vin̈ smam chi' icha tic: —Man̈ ach xiv mamin. Ac'b'at vin̈ cuc'tac tzac'an unin tic qued'oc. A in svac' in b'a yuj vin̈, tato man̈xo ol jax vin̈ vuuj, vach'chom tza mac'cham chavan̈ vuninal tic yuj vin̈, xchi vin̈.

Gn 18:5

Yacb'an ayex ec' d'a in tz'ey tic, tzin b'at vic'cot jab'oc tas ol e va, yic vach' tz'och eyip, ichato chi' ol ex b'atxoc, xchi vin̈ d'a eb'. —Ixic an, xchi eb' d'a vin̈.

Gn 19:7

Ix yalan vin̈: —Ex vetanimail, tzin tevi d'ayex to man̈ e c'ulej jun chucal chi'.

Jueces 19:23

Ix elta vin̈ aj pat chi', ix yalan vin̈ d'a eb': —Maay ex vetanimail. Man̈ e na eyac' chucal chi' d'a jun vin̈ anima ayec' posado tic d'ayin.

Pr 9:7

Tato tzal d'a eb' b'uchumtac to chuc sc'ulej eb', an̈ej lolonel man̈ vach'oc ol yal eb' d'ayach. Tato tzal d'a eb' chuc to man̈ vach'oc syutej sb'a eb', ton̈ej ol ach sb'aj eb'.