Ez 48:8 - Chuj San Mateo Bible

⁸ A d'a stz'ey lum smacb'en Judá, ata' ay jun lum sic'b'ileli: 12 kilómetro yed' nan̈alxo sat luum. Axo steel luum, lajan yed' steel lum smacb'en junjun in̈tilal, scot d'a stojolal b'aj sjavi c'u masanto d'a stojolal b'aj tz'em c'u. A d'a snan̈al lum chi', ata' ay in templo.

Chuj San Sebastian Bible

⁸ A yic tzlajw schan eb' chi yic cha, ax yechtax can 'el lum wic sic'b'il can 'eli, 'oj cot lum 'a jun mon̈jon 'ay 'a stojlal 'aj tzq'uel c'u, ax sc'och lum 'a sti a Mar Mediterráneo cha. A jun lum cha, nan̈lyoxlajn̈il kilómetro yoc, ax sat, lajn yet' yic junc 'in̈tal eb' israel cha. A 'a snan̈l jun lum cha, ata 'oj can watut.

Ez 48:8 Referans Kwoze

Is 12:6

A on̈ cajan on̈ d'a Sion tic, elocab' cav d'a tzalajc'olal, yujto a co Diosal ayec' qued' a on̈ israel on̈ tic, Axon̈ej Ochi. Te nivan pax yelc'ochi, xe chama.

Apoc 22:3

Malaj junoc tas, malaj pax junoc mach ayoch scatab' Dios d'a yib'an̈ ol och ta'. A d'a jun chon̈ab' chi', ata' ayec' sdespacho Dios yed' jun Calnel sb'i chi'. Axo masanil eb' tz'ac'an servil, ol laj yal sb'a eb' d'ay.

Apoc 21:22

Maj vil-laj junoc stemplo Dios d'a jun chon̈ab' chi', yujto a Dios Cajal Syal yuj Smasanil yed' jun Calnel sb'i chi' ayn̈ejec' d'a jun chon̈ab' chi'.

Apoc 21:3

Axo ix vab'an yoch jun av d'a satchaan̈, te chaan̈ ix yala': Inai, a Dios ayec' yed' eb' anima ticnaic. A' ol cann̈ej yed' eb'. Aton eb' chi' schon̈ab' yaji. A val lac'an Dios chi' ol cajnaj d'a scal eb', aton val jun sDiosal eb'.

A Scarta San Pablo D'a Eb' Aj Colosas 2:9

A masanil tas yaj Dios, scheclajel masanil d'a Cristo.

2 Co 6:16

A juntzan̈ comon dios, malaj yalan yic yed' eb' scajnub'xo Dios yaji. Yujto a on̈ tic, scajnub' on̈xo Dios pitzan, icha ix yalcani: A in tic, ol in och cajan d'a eb', ol in b'eyec' yed' eb'. Ol in och sDiosaloc eb'. Axo eb' ol och in chon̈ab'oc, xchi.

Ez 48:35

A jun muro chi' 9 kilómetro yajoch d'a spatictac nivan chon̈ab' chi'. A sb'i jun chon̈ab' chi' ayic ol b'eyn̈ejb'atoc: A Jehová ayec' d'a tic, ol sb'iej, xchi Jehová, xin chi.

Ez 48:21

A vin̈ yajal chon̈ab' chi', a vin̈ tz'ican lum aycan d'a snan̈al lum smacb'en Judá yed' lum smacb'en Benjamín, syalelc'ochi, aton lum ay d'a stz'eytac lum vic yaji yed' d'a stz'ey lum yic chon̈ab'. Ay jun macan̈ luum d'a stojolal b'aj sjavi c'u, 12 kilómetro yed' nan̈alxo sat luum, sb'atn̈ej lum d'a tz'acan̈ d'a stojolal b'aj sjavi c'u chi'. Axo pax d'a stojolal b'aj tz'em c'u ay junxo macan̈ luum, masanto d'a a' mar Mediterráneo sc'och luum. A d'a scal chab' macan̈ lum chi', ata' ay lum vic yaji, aton lum b'aj ay in templo yed' lum yic eb' sacerdote yed' pax lum yic eb' levita. Ata' ay pax lum b'aj ay nivan chon̈ab'.

Ez 48:9

A d'a jun lum luum vic yaj chi', ay jun macan̈ luum, 12 kilómetro yed' nan̈alxo steel luum, oye' kilómetro pax sat luum. A d'a snan̈al lum chi', ata' ay in templo.