Ez 48:21 - Chuj San Mateo Bible

^21-22 A vin̈ yajal chon̈ab' chi', a vin̈ tz'ican lum aycan d'a snan̈al lum smacb'en Judá yed' lum smacb'en Benjamín, syalelc'ochi, aton lum ay d'a stz'eytac lum vic yaji yed' d'a stz'ey lum yic chon̈ab'. Ay jun macan̈ luum d'a stojolal b'aj sjavi c'u, 12 kilómetro yed' nan̈alxo sat luum, sb'atn̈ej lum d'a tz'acan̈ d'a stojolal b'aj sjavi c'u chi'. Axo pax d'a stojolal b'aj tz'em c'u ay junxo macan̈ luum, masanto d'a a' mar Mediterráneo sc'och luum. A d'a scal chab' macan̈ lum chi', ata' ay lum vic yaji, aton lum b'aj ay in templo yed' lum yic eb' sacerdote yed' pax lum yic eb' levita. Ata' ay pax lum b'aj ay nivan chon̈ab'.

Chuj San Sebastian Bible

^21-22 Ax win yajl cha, a win 'oj 'ica'anc lum tzcan 'a snan̈l yic Judá yet' lum yic Benjamín; tzyal 'el'chi, atn lum tzcan 'a sti lum wico', yet' 'a sti 'aj tzcan yet'l chon̈ab'. A jun lum cha, nan̈lyoxlajn̈il kilómetro sat. Tz'atn̈j lum 'a yich jun mon̈jon 'ay 'a stojlal 'aj tzq'uel c'u, ax junc'aj xo 'a stojlal 'aj tz'em c'u, masnto tzc'och lum 'a sti a mar. A lum wic tzpojx can 'el cha, snan̈l eb' lum tic tzcan lu'um, lum 'aj tzcan yet'l watut, lum yic eb' levita yet' lum yet'l 'aj tzb'o chon̈ab'.

Ez 48:21 Referans Kwoze

Os 1:11

Ol smolb'ej sb'a eb' aj Judá yed' eb' aj Israel d'a jun tiempoal chi', junxon̈ej yajalil eb' ol yac'ochi. Ol te q'uechaan̈ eb', yujto te nivan yelc'och jun c'ual yic Jezreel chi'.

Ez 48:8

A d'a stz'ey lum smacb'en Judá, ata' ay jun lum sic'b'ileli: 12 kilómetro yed' nan̈alxo sat luum. Axo steel luum, lajan yed' steel lum smacb'en junjun in̈tilal, scot d'a stojolal b'aj sjavi c'u masanto d'a stojolal b'aj tz'em c'u. A d'a snan̈al lum chi', ata' ay in templo.

Ez 37:24

Aton vin̈ in checab' yin̈tilal vin̈aj David ol och e reyaloc yed' e tan̈vumaloc e masanil. Ol e c'anab'ajan in c'ayb'ub'al yed' in checnab'il.

Ez 48:20

Masanil lum vic yaji yed' lum yic jun nivan chon̈ab' ay d'a snan̈al jun lum sic'b'ilcanel chi', 12 kilómetro yed' nan̈alxo lum d'a schan̈il pac'an̈.