Ez 48:15 - Chuj San Mateo Bible

^15-18 Ay junxo macan̈ luum d'a scostil lum vic yaj chi', 12 kilómetro yed' nan̈alxo steel luum, nan̈al yoxil kilómetro sat luum, comon yaj luum. A d'a snan̈al yol lum chi', ata' ay nivan chon̈ab'. Axo jantacto lum colan scani, syal scajnaj anima, syal pax sva noc' noc' ta'. A jun chon̈ab' chi', 2 mil 250 metro schan̈il pac'an̈. A d'a spatictac chon̈ab' chi', ay jab'xo lum luum oyaneq'ui, 125 metro sat luum. A noc' noc' sva d'a jab'xo lum luum chi'. A d'a jun pac'an d'a stojolal b'aj sjavi c'u d'a jun chon̈ab' chi', ay jun macan̈ lum luum, oye' kilómetro steel luum. An̈eja' d'a stojolal b'aj tz'em c'u, ay pax junxo macan̈ luum, oye' kilómetro pax steel luum. A d'a juntzan̈ lum chi' smunlaj anima ay d'a chon̈ab' chi', axo sat yavb'en eb' smolo', a syab'lej eb'.

Chuj San Sebastian Bible

¹⁵ 'Ay junc'aj lum tzya'cn sobra, 'ay nan̈lyoxlajn̈il kilómetro yoc lu'um, ax nan̈lyoxl kilómetro sat. A 'a jun lum cha, tztac' sb'on eb' 'anma yatut 'a lu'um, tzwalab'an scajb'en noc' eb' nan̈locx lu'um. Palta ax 'a spacl lum cha, ata tzb'o eb' schon̈ab'.

Ez 48:15 Referans Kwoze

Ez 45:6

Axo d'a scostil lum vic yaji, yovalil scan junxo macan̈ luum. A jun lum chi' yic chon̈ab' tz'ajcan luum. 12 kilómetro yed' nan̈alxo tz'aj steel luum, nan̈al yoxil kilómetro tz'aj sat luum, yic chon̈ab' Israel tz'ajcan luum.

Ez 42:20

Ix yechtejn̈ej vin̈ schan̈il pac'an̈. A smuroal ayoch d'a spatictac slumal templo chi', 250 metro junjun pac'an̈. A jun muro chi' smacancan jun lugar yic Dios yaj chi', axo spatiquel muro chi', comon yaji.

1 Ti 3:15

Tato man̈ ol yal in b'at d'a elan̈chamel jun, palta tzin tz'ib'ejb'at jun in carta tic d'ayach, yic vach' tzojtaquejeli tas val sco b'eyb'alej a on̈ yuninal on̈xo Dios tic. Yujto a on̈ tic yiglesia on̈xo Dios, aton jun Dios pitzan. Ay copisio calanel jun c'ayb'ub'al te yel. Cuuj tz'och val yip jun c'ayb'ub'al yel tic d'a yichan̈ eb' anima.

Ez 44:23

A eb' sacerdote chi', yovalil sc'ayb'ej eb' in chon̈ab' eb' yic syojtaquejel eb' tas sic'b'ilel vuuj yed' tas man̈ sic'b'iloquel vuuj, tas vach' yed' tas man̈ vach'oc, icha yalan ley.

Ez 22:26

A eb' sacerdote, a in c'ayb'ub'al yed' juntzan̈ tas vic yaji ix yixtejb'at eb'. A tas vach' yed' tas man̈ vach'oc d'a yichan̈ ley, malaj sq'uexan̈il d'a sat eb'. Max c'ayb'aj eb' anima yuj eb' yic syojtaquejel eb' tas vach' yed' tas man̈ vach'oc. An̈ejtona' max sc'anab'ajej in c'ual ic'oj ip eb'. Yuj chi' chequel to malaj velc'och d'a sat eb'.