Ez 47:13 - Chuj San Mateo Bible

¹³ Ix yalan Jehová Yajal d'ayin icha tic: Aton stz'acan̈il lum luum ol scha' lajchave' macan̈ eb' yin̈tilal Israel smacb'enoc. (A eb' yin̈tilal vin̈aj José cha macan̈ smacb'en eb' ol yic'a'.

Chuj San Sebastian Bible

^13-14 'Ix yaln Jehová 'ayn 'ixtic: Atn 'a tic 'oj c'och smon̈jonal smacl lum eb' yin̈tl Israel 'oj smacloc, atn lum wa'jnac in ti wa'n 'a eb' e mam eyichm pecti'. Lajnn̈ej tzeyutj e pojn 'ec' lum 'a junjn 'in̈tal. (A eb' yin̈tl José, chac'aj lum yic eb' chi 'oj 'ajxoc.) A jun nacion̈ tic, e macl lum yaji.

Ez 47:13 Referans Kwoze

Jeremías 3:18

A d'a jun tiempoal chi', junxon̈ej ol aj chon̈ab' Judá yed' chon̈ab' Israel. Junxon̈ej ol aj e meltzajcot d'a jun nación d'a stojolal norte, axo e javican cajan d'a lum luum vac'nac smacb'enej eb' e mam eyicham.

Gn 48:5

Yuj chi', a val chavan̈ uninal ix alji d'a Egipto tic ayic manto in javoc, aton vin̈aj Manasés yed' vin̈aj Efraín, victaxon yaj eb' vin̈, icha vuninal tz'ajcan eb' vin̈, icha val yaj vin̈aj Rubén yed' vin̈aj Simeón.

Jeremías 31:1

A Jehová tz'alan icha tic: A val d'a jun tiempoal ol javoc chi', a in ol in och sDiosaloc junjun macan̈il eb' yin̈tilal Israel, axo eb' ol och in chon̈ab'oc.

1 Cr 5:1

A vin̈aj Rubén, vin̈ sb'ab'el unin vin̈aj Jacob, palta maj scha chab' macan̈ smacb'en vin̈ yic sb'ab'el uninal chi', yujto ix vay vin̈ yed' ix schab'il yetb'eyum smam. Yuj chi' a junxo macan̈ smacb'en vin̈ chi', ix ac'chajcan d'a eb' vin̈ yuninal vin̈aj José, aton junxo yuninal vin̈aj Jacob chi'.

Gn 49:26

Ach José, masanil juntzan̈ vach' lolonel svalcan tic d'a ib'an̈ a in a mam in tic, yelxo val te nivan yelc'och d'a yichan̈ vach' lolonel ix yalcan in mam d'a vib'an̈, yelxo val nivan d'a yichan̈ juntzan̈ vitz aytax ec' d'a peca'. A masanil juntzan̈ tic svalcan d'a ib'an̈, to sic'b'ilachcanel d'a scal eb' vin̈ uc'tac tic.

Ez 48:29

Aton jun lum chi' ol scha juntzan̈ yin̈tilal Israel smacb'enoc. Icha chi' ol aj e pucanec' luum.

Nm 34:1

Ix yalanxi Jehová d'a vin̈aj Moisés chi' icha tic:

Josué 16:4

Aton lum tic ix scha eb' yin̈tilal José smacb'enoc, aton eb' yin̈tilal Manasés yed' eb' yic Efraín.

Josué 17:1

Aton lum tic ix yic'can eb' yin̈tilal Manasés, sb'ab'el yuninal vin̈aj José. Axo vin̈aj Maquir b'ab'el yuninal vin̈aj Manasés, aton smam yicham eb' yic Galaad. A eb' ix ic'ancan lum ix yac' scuch eb' Galaad yed' lum yic Basán yujto jelan eb' d'a oval.

Ez 48:1

A stz'acan̈il Israel d'a norte, schael d'a a' mar Mediterráneo, tz'ec' d'a Hetlón yed' b'aj tz'och b'e d'a Hamat yed' d'a Hazar-enán, tz'ec' d'a stojolal sur d'a lum yic Damasco yed' Hamat chi'. Junjun macan̈ yin̈tilal Israel scha junoc macan̈ lum luum smacb'enoc, sb'at stz'acan̈il lum d'a stojolal b'aj sjavi c'u, masanto sc'och d'a a' mar Mediterráneo, d'a stojolal b'aj tz'em c'u. Icha tic ol aj schaan lum smacb'en eb' chi' d'a stzolal, schael yich d'a norte scotn̈ej d'a sur: Dan, Aser, Neftalí, Manasés, Efraín, Rubén yed' Judá.