Ez 45:7 - Chuj San Mateo Bible

⁷ An̈ejtona', ay chab' macan̈ lum luum, yic vin̈ yajal tz'ajcan luum. Ay jun macan̈ lum scan d'a stojolal b'aj sjavi c'u, axo junxo macan̈ luum, a d'a stojolal b'aj tz'em c'u scan luum, syalelc'ochi aton d'a stz'ey lum vic yaji yed' d'a stz'ey lum yic eb' chon̈ab'. Lajan tz'aj steel luum yed' lum yic junjun in̈tilal.

Chuj San Sebastian Bible

^7-8 A 'a spac'b'il lum wicn̈ej cha yet' lum yic eb' israel cha, ata 'ay chac'aj lum lum yic win syajlil chon̈b' chi 'oj 'ajoc. Junc'aj lum tzcan 'a stojlal 'aj tz'em c'u tzc'och 'a sti a Mar Mediterráneo, junc'aj xo lum 'a stojlal 'aj tzq'uel c'u tzjaw 'a sti a Jordán. A jun lum cha lajn yechl yet' yic junjn c'aj eb' yin̈tl israel tzcha'aj. A lum slum win yajl cha, 'oj b'eyn̈j lum 'a eb' yunnal yic wach' man̈x 'oj yi'cc eb' slum eb' yit chon̈ab', sec wach' tzcan junjn 'in̈tal eb' yet' slum 'a tzaljc'ojlal.

Ez 45:7 Referans Kwoze

Ez 48:21

A vin̈ yajal chon̈ab' chi', a vin̈ tz'ican lum aycan d'a snan̈al lum smacb'en Judá yed' lum smacb'en Benjamín, syalelc'ochi, aton lum ay d'a stz'eytac lum vic yaji yed' d'a stz'ey lum yic chon̈ab'. Ay jun macan̈ luum d'a stojolal b'aj sjavi c'u, 12 kilómetro yed' nan̈alxo sat luum, sb'atn̈ej lum d'a tz'acan̈ d'a stojolal b'aj sjavi c'u chi'. Axo pax d'a stojolal b'aj tz'em c'u ay junxo macan̈ luum, masanto d'a a' mar Mediterráneo sc'och luum. A d'a scal chab' macan̈ lum chi', ata' ay lum vic yaji, aton lum b'aj ay in templo yed' lum yic eb' sacerdote yed' pax lum yic eb' levita. Ata' ay pax lum b'aj ay nivan chon̈ab'.

Ez 37:24

Aton vin̈ in checab' yin̈tilal vin̈aj David ol och e reyaloc yed' e tan̈vumaloc e masanil. Ol e c'anab'ajan in c'ayb'ub'al yed' in checnab'il.

Ez 34:24

A in Jehová in svala' to a in e Diosal in, axo vin̈ in checab' yin̈tilal vin̈aj David chi' ol vac'och eyajaliloc.

Josué 19:49

Masanil juntzan̈ luum chi' ix spuquec' vin̈aj sacerdote Eleazar, vin̈aj Josué yed' eb' yajalil eb' chon̈ab'. D'a yichan̈ Jehová d'a yichan̈ scajnub' b'aj sch'ox sb'a d'a Silo, ata' ix pucchajec' lum d'a suerteal, yuj chi' te tz'acan ix aj yec' luum. Ayic toxo ix lajvi spucchajec' luum d'a eb', ix schaancan yic junjun in̈tilal eb'. Ix ac'jipax lum yic vin̈aj Josué d'a scal eb', icha val ix aj yalan Jehová. Ix ac'ji chon̈ab' Timnat-sera d'a vin̈, d'a tzalquixtac d'a yol yic eb' yin̈tilal Efraín, yujto a lum chi' ix sc'an vin̈. Ix sb'oq'ue jun chon̈ab' chi' vin̈ d'a schaelal, ix cajnaj vin̈ d'ay.